Свет
Бајден: Шведска и Финска ги исполнуваат сите услови за влез во НАТО

Претседателот на Соединетите Американски Држави, Џо Бајден, изјави дека Шведска и Финска ги исполнуваат сите услови за влез во НАТО.
„Денес, со гордост потврдувам дека ја имаат поддршката од Соединетите Американски Држави“, рече Бајден по приемот на шведската премиерка Магдалена Андерсон и финскиот претседател Саули Ниинисто во Белата куќа.
Бајден рече дека Соединетите Американски Држави ќе соработуваат со Финска и Шведска за да се спротивстават на каква било агресија на која може да бидат изложени за време на процесот на пристапување во НАТО.
„Кога новите членки ќе влезат во НАТО, тоа не е закана за ниту една земја. И таа никогаш не била. Задачата на НАТО е да се брани од агресија“, рече Бајден.
Соединетите Американски Држави со поканата на претставниците на двете земји во Вашингтон ден по поднесувањето на официјалните кандидатури за членство во НАТО покажаа нетрпеливост кога станува збор за проширување на алијансата, пренесе „Дневен аваз“.
“Sweden and Finland have strong democratic institutions, strong militaries and strong and transparent economies. And a strong moral sense of what is right. They meet every NATO requirement and then some,” Pres. Biden says. https://t.co/94N6eh7zOv pic.twitter.com/KPL8tWNEfl
— ABC News Politics (@ABCPolitics) May 19, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Масовно пукање на парада во САД, има мртви, напаѓачот и натаму е во бегство

Празничната парада во САД на 4 јули се претвори во хаос, врескање и паника кога имаше пукање за време на настанот во Хајленд Парк во Илиноис.
На социјалните мрежи се појави видео од парадата кога одекнаа истрели проследени со паника.
?|BREAKING NEWS: Multiple people shot at July 4th parade in Highland Park, Illinois pic.twitter.com/QImMHHU2Lc
— News For All (@NewsForAlI) July 4, 2022
Најмалку 9 лица загинале, а десетици се ранети, информираа од полицијата.
Очевидци велат дека виделе најмалку пет крвави луѓе како лежат на земјата.
My video.. I was at #Highland Park parade.. Terrified people fleeing July 4th parade when shooting started. pic.twitter.com/DSe0NJOuem
— Lynn Sweet (@lynnsweet) July 4, 2022
Луѓето почнале да бегаат, а еден од сведоците изјави за Си-ен-ен дека слушнал 20-25 истрели.
Напаѓачот пукал од врвот на една од околните згради и сѐ уште не е уапсен.
Регион
Рама: Три години организираме свадба и чекаме да дојде невестата од Брисел, но таа не доаѓа

Албанскиот премиер Еди Рама рече дека неговата земја организира свадба веќе три години и дека чека невестата да пристигне од Брисел, но ја нема.
„Мислам дека преговорите требаше да се отворат пред многу години, можеби ќе биде в година, но нема да се откажеме од сонот. Продолживме да организираме свадби, големи свадби со музика. Ја чекавме невестата да дојде од Брисел, но таа не дојде“, изјави Рама.
Тој истакна дека ЕУ треба да го смени својот став и да не им остава на политичарите да се занимаваат со историјата, како што е случајот со Бугарија.
„Ние сме Балканот што доаѓа со некои проблеми, сакаме да бидеме дел од ЕУ, а потоа ако земјите како Бугарија во овој случај го користат ветото за да разговараат за историјата на политичко ниво, тоа е уште покомплицирано. Генерално, јас мислам дека секогаш кога политичарите се занимаваат со историјата за да ја решат, најверојатниот резултат е историјата да се направи уште покомплицирана. Сето ова е срам, но срам поврзан со духот на експанзијата. Бугарија е најистакнат пример за овој изопачен дух. ЕУ мора да се промени, не смее повеќе да функционира вака, една држава да зема друга земја како заложник“, рече тој.
Европа
(Видео) Борбени авиони пресретнаа авион полн со патници

Во неделата борбени авиони „ФА-18“ на шпанските воздухопловни сили пресретнаа патнички авион „изиџет“, кој летал кон шпанскиот град Махон.
Патничкиот авион полетал од Англија.
На видеото се гледа блиска средба на еден од борбените авиони и патничкиот „ербас“.
An easyJet flight En-route to Mahon today was intercepted by fighter jets, thankfully it was a false alarm ?
— Flight Emergency (@FlightEmergency) July 3, 2022
Се известува и дека патничкиот авион морал принудно да слета, а потоа бил уапсен тинејџер. Исто така, специјалната полиција извршила безбедносна проверка на авионот со помош на куче трагач.
Авионот, како што се наведува, по слетувањето, веднаш бил отстранет од главниот терминал.