Викендов, за првпат по 75 години во Холандија беше воведен полициски час со цел да се запре ширењето на коронавирусот во третиот бран.

Според одлуката на владата, за граѓаните беше воведено ограничување на движењето, од саботата во 21 часот до недела во 4,30 часот.

Улиците на холандските градови беа целосно празни, првпат по Втората светска војна. Таа мерка ќе биде на сила секој викенд до 9 февруари, пренесуваат странските медиуми.

Секој којшто ќе биде фатен на улица во тоа време, ќе мора да плати казна од 95 евра.

Британската влада ги смени законите за „локдаун“ без многу врева, со што го олесни донесувањето одлуки за затворање пабови, ресторани, продавници и јавни места до 17 јули, објави Телеграф.

Премиерот Борис Џонсон во петокот рече дека Владата не размислува за ублажување на рестриктивните мерки, имајќи предвид дека бројот на заразени со коронавирусот не се намалува, пренесува Ројтерс.

Тој рече дека мерките ќе останат на сила се додека во Владата не се уверат дека програмата за вакцинација влијае на запирање на ширењето на епидемијата.

Високи здравствени службеници од Нов Зеланд објавија дека го испитуваат првиот потенцијален случај на локално пренесување на коронавирусот првпат по неколку месеци, а станува збор за 56-
годишна жена која дошла од странство.

По враќањето во Нов Зеланд, таа била позитивна на тестот на 30 декември, неколку дена по завршувањето на задолжителниот карантин на границата, каде што тестот покажал дека е двапати негативна, објави Ројтерс.

„ Работиме на претпоставка дека ова е позитивен случај и дека станува збор за многу заразен вид, не знаеме дали станува збор за варијантата од Јужна Африка или Британија, потенцијално и од Бразил или некој четврти“ изјави министерот за здравство, Ешли Блумфилд.

Не е познато како жената се заразила, додаде Блумфилд, но бидејќи беше позитивна на тестот неколку дена по напуштањето на карантинот, властите веруваат дека можеби имало локален пренос