Директорот на Агенцијата за здравје и безбедност на храна (АГЕС), Франц Алербергер, оцени дека 30 проценти од населението во Австрија биле заразени со коронавирус.

Постојат различни процени за заразеноста на граѓаните, пред се за прашањето колку Австријци имале асимптоматска инфекција. Тековните податоци за тоа колку Австријци контактирале со коронавирусот се движат од седум до 30 проценти.

Алербергер го заснова своето тврдење дека стапката на инфекција достигна 30 проценти врз основа на податоците од студијата спроведена во Ишгл, каде што беше главното жариште пред една година.

Алербергер истакнува дека според податоците од студијата може да се заклучи дека досега биле заразени нешто повеќе од три милиони Австријци.

За споредба, досега, според податоците на АГЕС, околу 450.000 луѓе биле позитивно тестирани на коронавирусот.

Научник од Техничкиот универзитет во Виена кој се занимава со симулации, Ники Попер, на крајот на минатата недела ги презентираше податоците дека околу 15 проценти од Австријците биле заразени, што е помеѓу 1,3 и 1,5 милион луѓе.

Овие податоци се многу важни за австриските власти во постигнувањето колективен имунитет.

Според експертите, потребно е најмалку 50 до 60 проценти од населението да има имунитет за да се постигне целта која би овозможила нормален живот.

Вакцинацијата во Австрија се спроведува многу бавно, побавно од планираното, поради проблеми во испораките на фармацевтските компании.

Во последните 24 часа се забележани 544 нови случаи на зараза со вирусот САРС-КоВ-2, а бројот на активни случаи во Хрватска денес е вкупно 2.933, објави Националниот штаб за цивилна заштита.

Меѓу нив, 790 пациенти се во болница, од кои 70 се на апарати за дишење, додека 12 лица починaле. Учеството на позитивни кај испитаниците е 8,46 проценти.

Од 25 февруари 2020 година, кога е регистриран првиот случај на инфекција во Хрватска, досега се евидентирани вкупно 241.592 лица заразени со новиот коронавирус, од кои 5.489 починале. Вкупно се опоравиле 233.170 луѓе, од кои 278 во последните 24 часа.

Во моментов има 12.869 лица во самоизолација.

До 25 февруари биле тестирани вкупно 1.327.769 лица, од кои 6.433 во последните 24 часа.

Премиерот Андреј Пленковиќ на седницата на хрватската Влада најави дека од 1 март ќе се дозволи работа на терасите на угостителски објекти и тренирање во салите.

Царините во Германија и Белгија заплениле рекордни 23 тони кокаин наменети за трговија во Холандија, пренесува Би-би-си.

Германските власти откриле 16 тони во пет транспортни контејнери што претходно месецов пристигнале во пристаништето во Хамбург од Парагвај. Веднаш била известена полицијата во Холандија, а во белгиското пристаниште Антверпен биле запленети уште 7,2 тони кокаин.

Германските власти соопштија дека уличната вредност на кокаинот се проценува на милијарди евра.

Во Антверпен, дрогата билa скриенa во контејнер исполнет со дрвени блокови од Панама.

Кокаинот пронајден во Хамбург бил скриен во конзерви кои содржеле гипс што се користи за пополнување на пукнатини во ѕидови.

Уапсен е 28-годишен маж осомничен за вмешаност во трговијата со рекордната количина кокаин, соопшти холандската полиција. Според извештаите на медиумите, станува збор за холандскиот државјанин Атиф С.