Извршниот директор и основач на Blue Origin, Џеф Безос, објави дека планира да ја изгради првата приватна вселенска станица во орбитата помеѓу 2025 и 2030 година.

Под називот Orbital Reef, Безос ја развива станицата со неколку партнери, вклучувајќи го и „Боинг“, соопшти компанијата.

Orbital Reef ќе служи како еден вид мешовит бизнис-парк, а ќе биде наменет за разни клиенти, заинтересирани за истражување, индустриски и меѓународни клиенти, но и за туристи.

Blue Origin неодамна се најде на насловните страници по лансирањето во вселената на 90-годишната икона од „Ѕвездени патеки“, Вилијам Шатнер, кој го промовира вселенскиот туризам за време на својотр краток престој таму.

До денес, најголемата вселенска станица каде што астронаутите поминале најдолго време е Меѓународната вселенска станица, управувана од американската вселенска агенција НАСА заедно со многубројни партнерски агенции од целиот свет.

И Кина во моментот работи на изградба на сопствена вселенска станица, а неколку други приватни компании веќе ги истакнаа плановите за комерцијални вселенски станици.