„Политичарите сметаат дека Американците се глупави. Манипулацијата со ковид е нечуена. Јавноста мора да проговори”, објави Ричард Гренел на Твитер.

Гренел реагираше на наводите во медиумите во кои канцеларијата на градоначалникот на Нешвил и локалната здравствена служба се обвинети за прикривање податоци за пациенти со коронавирус, откако протекоа имејл пораки кои ги разменувале официјалните лица, пренесува Спутник.

Судејќи според содржината на електронската пошта, високиот советник на градоначалникот Џон Купер и службениците на одделот за здравство „се согласиле“ за тоа колку селективно треба да објавуваат информации во врска со случаи на инфекција со коронавирус, а коишто имаат врска со барови и ресторани во делот на градот кој е познат по својот ноќен живот.

Во најмалку два случаи во јуни и јули, официјалните лица, наводно, одлучиле да не откриваат конкретни бројки, што покажуваат дека релативно мал број случаи се поврзани со барови и ресторани, кои инаку се борат да преживеат откако биле затворени два месеци.

Изгаснат е пожарот во мостарската населба Јасеница, што претставуваше сериозна закана за куќите во таа населба.

„Пожарот беше пријавен синоќа во 22:30 часот во близина на затворот во изградба“, соопшти Професионалната противпожарна бригада во Мостар.

Трева и ниска вегетација биле зафатени од огнот, но со оглед на тоа што имало блиска населба и дека пожарот се ширел брзо, тоа претставувало сериозна закана за куќите.

Сите екипи излегле на терен и пожарот беше изгаснат во 2:15 часот, по што дел од екипата останала на терен до изутринава.

Во Чешка се регистрирани 3.130 нови случаи на коронавирус во последните 24 часа, што е најголем број на нови случаи за еден ден од почетокот на пандемијата, соопшти чешкото Министерство за здравство.

Тоа е исто така најголем број на нови пациенти за еден ден во Европа.Како што е наведено, тоа е илјада повеќе од претходниот ден, кога биле евидентирани 2.137 случаи.

Во Чешка, каде што живеат 10,7 милиони луѓе, од почетокот на пандемијата во март годинава, регистрирани се 44.155 случаи на вирусот.