Свет
Бил Гејтс: Постои можност за нова пандемија за 10 или 15 години
На поткастот на писателката Рашида Џонс, Бил Гејтс коментираше за подготвеноста на светот за идни пандемии и со какви предизвици ќе се соочи човештвото тогаш.
Основачот на „Мајкрософт“ и порано го предупредуваше светот дека може да се случи ваква пандемија, а сега ја истакна својата визија за светот по ерата на Ковид-19. Гејтс верува дека би можеле да имаме друга глобална пандемија.
„Да, но се надевам за 20 години. Но, мора да бидеме подготвени за нова пандемија и за три години”, рече Гејтс.
„Постои разумна веројатност светот да се соочи со нешто слично во следните 10 или 15 години“, додаде тој.
Гејтс верува дека елиминирањето на вирусот нема да доведе до враќање на животот каков што беше пред пандемијата. Тој верува дека работните навики се променија засекогаш откако многу луѓе во оваа пандемија искусија да работат од дома.
„Мислам дека повеќе од 50% од службените патувања и над 30% од деновите поминати во канцеларија ќе исчезнат. Ние ќе продолжиме да одиме во канцеларии и на службени патувања, но во многу помала мера”, рече Гејтс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

