Свет
Болница во Хонгконг погодена од импровизирана бомба
Мала, импровизирана бомба поттикна евакуација и привремено ја наруши работата во една болница во Хонгконг еден ден откако маскирани демонстранти ја запалија предложената област за карантин за можни жртви на коронавирусот, пренесува РТ.
Експлозивната направа била скриена во шкаф во тоалет во медицинскиот центар „Каритас“ и експлодирала рано утрово. Евакуирани биле околу 20 пациенти, по што специјална полициска екипа го прегледа местото на настанот.
Никој не е повреден во експлозијата.
„По експлозијата имало силен, бел чад и мал пожар“, вели главниот инспектор Кевин Чонг Киу-ваи, додавајќи дека бомбата не била многу моќна и не предизвикала голема штета.
Не е јасно кој стои зад експлозијата.
Во неделата маскирани антивладини демонстранти фрлија молотов коктел кон празна јавна зграда, во која властите планираа да ги организираат карантин за луѓето заразени со смртоносниот коронавирус, кој во моментот беснее во Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

