Анкара денес ја потврди смртта на 20 турски војници во воен товарен авион што се урна вчера во источна Грузија.

Турското Министерство за одбрана ги објави имињата и фотографиите на жртвите, но сè уште не ги објави можните причини за падот на авионот Ц-130.

„Нашите херојски соборци станаа маченици на 11 ноември 2025 година“, се вели во соопштението издадено во име на министерот за национална одбрана Јашар Ѓулер, кое го емитуваше државната телевизија ТРТ.

Türkiyəyə məxsus təyyarənin Gürcüstan-Azərbaycan sərhəddində qəzaya uğradığı bildirilir #Uçak #Türkiye #sondakika #Turkey #Georgia #Gürcistan pic.twitter.com/qOjyfZx6C8

— Ismayil Jabiyev (@ismayiljabiyev) November 11, 2025

Турските власти, исто така, објавија дека турскиот тим започнал истрага за остатоците од воениот авион во 6:30 часот наутро по локално време, во координација со грузиските власти.

Сите 20 членови на екипажот на турскиот воен транспортен авион Ц-130 загинале кога авионот се урна на границата меѓу Грузија и Азербејџан.

Авионот Ц-130 полетал од Азербејџан и се враќал во Турција кога се урна, соопшти претходно турското Министерство за одбрана.

Турскиот претседател Реџеп Таип Ердоган изрази длабока тага и сочувство до семејствата на жртвите. Азербејџанскиот претседател Илхам Алиев, исто така, му упати сочувство на Ердоган, нарекувајќи ја несреќата трагична загуба и изразувајќи солидарност во овој момент на болка.

Грузиското Министерство за внатрешни работи објави дека авионот се урнал во општината Сигнаги, во близина на границата со Азербејџан, и дека е започната истрага.

Покрената е операција за пребарување и спасување во координација со азербејџанските и грузиските власти.

C-130 Херкулес, произведен од американската компанија „Локид Мартин“, има четири мотори и е наменет за воени транспортни задачи.

Авионот е дизајниран за слетување и полетување од неподготвени или полуподготвени писти, а се користи за транспорт на воен товар, војници и евакуација.

Земјотрес со јачина од 5,7 степени според Рихтеровата скала денеска околу 10:30 часот по локално време ја погоди територијата на Кипар, со епицентар во близина на градот Пафос, на длабочина од околу 17 километри.

Сведоци изјавиле дека земјотресот предизвикал одрони во областа околу селото Полеми, каде што бил почувствуван најсилно.

„Карпи и камења се стркалаа низ ридот“, изјавиле мештани.

Граѓаните, уплашени од тресењето, во паника излегле на улиците, а многумина пријавиле дека се треселе куќите и мебелот.

„Целата куќа се тресеше, беше страшно“, сведочи жителка на селото.

Земјотресот бил почувствуван и во околината на Лимасол, каде што жителите пријавиле дека се нишале лустери и мебелот вибрирал.

По првиот удар, уследиле уште неколку помали потреси, од кои најсилниот бил со јачина од 4,7 степени.

Кипар се наоѓа во сеизмички активен регион, а последниот посилен земјотрес со јачина од 6,8 степени се случил во 1996 година, кога загинаа неколку лица.

Израел го отвори граничниот премин Зиким во северниот дел на Појасот Газа за да дозволи хуманитарна помош во енклавата, соопшти денеска COGAT, тело на израелската војска што врши надзор на помошта што пристига.

Обединетите нации побараа отворање на преминот за да се овозможи поголема помош во опустошената северна палестинска енклава, особено откако минатиот месец беше постигнат прекин на огнот меѓу Израел и Хамас.

Хуманитарната канцеларија на Обединетите Нации, OCHA соопшти дека Зиким бил затворен на 12 септември и дека хуманитарните групи оттогаш не можеле да испратат помош преку таа рута. Израелската војска не одговори на барањето на Ројтерс за коментар.

Одредена хуманитарна помош би можела да стигне до север преку јужните премини, но потребна е поголема помош бидејќи градот Газа и околните области официјално се прогласени за зона на глад, соопшти минатиот месец телото кое прогласува криза со храна.

COGAT соопшти дека преминот е отворен „во согласност со директива од политичкиот ешалон“. Помошта ќе ја достават ОН и меѓународните агенции по „темелни безбедносни инспекции“, додаде COGAT.

фото: принтскрин