Свет
Бразил почна со масовна вакцинација со кинеската вакцина
Бразил започна вакцинација на населението против коронавирус со вакцина на кинескиот производител „Синовак“.
Имунизацијата почна во десет сојузни држави.
Националната агенција за мониторинг Анвиса итно ја одобри вакцината во неделата, а според министерот за здравство Едуардо Пазуело, вакцинацијата требаше да започне пет дена подоцна. Сепак, под притисок на јавноста вакцинирањето се случува порано од предвиденото.
Бразил е земја со 210 милиони жители, која има на располагање околу 6 милиони дози вакцина Синовак, имајќи предвид дека Рио де Женеиро постигна договор со кинескиот производител.
Претседателот Болсонаро постојано изразува презир кон кинеската вакцина, но неговата влада го избра „Синовак“ по неуспешниот план за увоз на 2 милиони дози на вакцината произведена од АстраЗенека во соработка со Универзитетот Оксфорд од Индија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес во Русија
Земјотрес со јачина од 6,3 степени според Рихтеровата скала денеска ја погоди областа во близина на источниот брег на руската област Камчатка, соопшти Германскиот истражувачки центар за геонауки (ГФЗ).
Земјотресот се случил на длабочина од 10 километри, соопшти ГФЗ, пренесе „Ројтерс“.
Засега нема информации за евентуални жртви или причинета материјална штета.
Свет
„Макрон сакаше да страдаме поради брегзитот“ – Борис Џонсон со експлозивни тврдења во своите мемоари
Францускиот претседател Емануел Макрон се обиде да ја натера Британија да страда поради напуштањето на Европската Унија, напиша поранешниот британски премиер Борис Џонсон во своите нови мемоари.
Во најновиот извадок од своите мемоари „Oслободен“, Џонсон го обвини францускиот претседател дека ја користел нередовната миграција како оружје за да го поткопа брегзитот, објави „Политико“.
Тој рече дека Макрон изгледал подготвен да замижи пред бандите што шверцуваат луѓе преку Каналот и тврди дека францускиот лидер го гледал брегзитот како „ужасно навредлив потег за ЕУ и неговиот поглед на светот“.
Двајцата лидери имаа ладен однос кога Џонсон беше на функцијата, со остри несогласувања за брегзитот, војната во Украина и правата за риболов, меѓу другите прашања.
Свет
Путин потпиша указ со кој повика 133.000 Руси на задолжителна воена служба
Рускиот претседател Владимир Путин потпиша указ со кој се повикуваат 133.000 Руси на задолжителна воена служба оваа есен, според веб-страницата за правни информации.
Во уредбата се наведува дека граѓаните на возраст помеѓу 18 и 30 години, кои ги исполнуваат условите за воена служба и не се во резервни единици, се поканети да бидат регрутирани од 1 октомври до 31 декември.
Уредбата ги иззема војниците, кои веќе ја отслужиле воената служба, пренесе ТАСС.
Генералштабот на руските вооружени сили нагласи дека оние што ќе бидат регрутирани оваа есен нема да учествуваат во војната во Украина.