Свет
Бројот на загинати во земјотресот во Мјанмар се искачи на 1.644 лица
Бројот на загинати од разорниот земјотрес што го погоди Мјанмар во петокот, се искачи на 1.644 лица.
Според првичните проценки на мјанмарската опозициска Влада на национално единство (НУГ), земјотресот со јачина од 7,7 степени според Рихтеровата скала оштетил најмалку 2.900 згради, 30 патишта и седум мостови.
„Поради значителна штета, аеродромите во Најпитав и Мандалеј се привремено затворени“, соопшти НУГ, група составена од членови на избраната влада која беше соборена од војската во 2021 година, со што започна граѓанска војна.
Контролна кула на аеродромот во Најпитав, планираниот главен град на Мјанмар, се урна, изјави извор за Ројтерс.
Американскиот геолошки институт предвидува дека бројот на загинати во Мјанмар би можел да надмине 10.000, додека економската штета би можела да биде поголема од годишниот БДП на земјата.
Највисокиот генерал на воената хунта во петокот упати редок апел за меѓународна помош, а голем број земји веќе почнаа да и помагаат на погодената земја од Југоисточна Азија.
Русија, Индија, Малезија и Сингапур испраќаат авиони со хуманитарна помош и спасувачки тимови, а Јужна Кореја најави дека преку меѓународни организации ќе обезбеди првична хуманитарна помош во Мјанмар од два милиони долари.
Блокот на земји од Југоисточна Азија, АСЕАН, во саботата објави дека ја препознава итната потреба од хуманитарна помош за Мјанмар по големиот земјотрес и е подготвен да ги поддржи напорите за закрепнување.
Соединетите Американски Држави, кои имаат тензични односи со војската на Мјанмар и ги санкционираа нивните функционери, вклучително и шефот на воената хунта, Мин Аунг Хлаинг, најавија дека ќе пружат одредена помош.
Кинеските спасувачки тимови пристигнаа и во трговскиот центар на земјата, Јангон. Кинескиот претседател Си Џинпинг телефонски разговарал со лидерот на хунтата, соопшти кинеската амбасада. Џинпинг најави 13,77 милиони евра помош, која ќе вклучува шатори, ќебиња и комплети за прва помош.
Првата помош од Индија пристигна и во Мјанмар, јавува агенцијата „ДПА“. Вклучува 15 тони залихи, во кои покрај основните потреби има и генератори и тимови за пребарување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина се откажува од НАТО во замена за безбедносни гаранции
Украина е подготвена да се откаже од членството во НАТО во замена за западни безбедносни гаранции, како компромис за завршување на војната со Русија, изјави претседателот Володимир Зеленски пред разговорите со американски претставници во Берлин.
Зеленски оцени дека безбедносните гаранции од САД, европските земји и други партнери, би можеле да спречат нова руска инвазија и претставуваат значаен отстап од украинска страна.
Тој потсети дека членството во НАТО долго време беше стратешка цел на Украина и дел од уставните определби на земјата.
Иако официјалниот состав на разговорите во Берлин не е објавен, американски функционер потврди дека специјалниот пратеник на поранешниот претседател Доналд Трамп, Стив Виткоф, и Џаред Кушнер ќе учествуваат на средбите со украински и европски претставници.
Свет
(Видео) Храбар случаен минувач го совлада и разоружа еден од напаѓачите на плажа во Сиднеј
На плажата Бонди во Сиднеј се случи пукaње, во кое, според последните информации, 12 лица се убиени, а 29 се повредени.
Светските медиуми објавуваат видео од социјалните мрежи на кое се гледа како минувач совладува и разоружува еден од напаѓачите.
Видео објавено на социјалните мрежи, според „Гардијан“, покажува како минувач го соборува на земја еден од напаѓачите на плажата Бонди и му го грабнува пушката.
Пукањето официјално беше прогласено за терористички чин.
Еден вооружен напаѓач е исто така убиен, а вториот осомничен е во критична состојба, соопшти полицијата.
На плажата се одржувал настан по повод почетокот на Ханука, еврејскиот празник на светлината, на кој присуствувале повеќе од 1.000 луѓе, соопшти полицијата.
Свет
(Видео) Најмалку 10 убиени во пукање на плажата Бонди во Сиднеј
Најмалку 10 лица загинаа во пукaње што се случи на плажата Бонди во Сиднеј, Австралија.
Пукањето се случило за време на прославата на еврејскиот празник Ханука. Очевидци за „Скај њуз“ изјавија дека се слушнале околу 50 истрели, додека стотици луѓе во паника бегале од местото на настанот.
Two gunmen opened fire on 2,000 celebrating Hanukkah at Bondi Beach Sydney
2 suspects in custody, multiple dead and injured including police officer
Witnesses report up to 50 shots fired. Investigation ongoing.
This comes as anti-Jewish hate crimes hit record levels glo🅱️ally pic.twitter.com/m8Fpt6j3sl
— Boi Agent One (@boiagentone) December 14, 2025
Еден од напаѓачите бил убиен на лице место, додека другиот е ранет и се наоѓа во притвор.
На терен веднаш интервенирала полицијата и службите за итна медицинска помош, со десетици амбулантни возила собраани на паркингот Норт Бонди Централ.
Локалните власти ја истражуваат причината за нападот и моментално не даваат дополнителни детали за мотивот.

