Ако дојде до војна дали ќе се борите и ќе го ризикувате животот за својата земја? Ова прашање е поставено во истражувањето кое го спровела агенцијата за истражување на јавното мислење „Галуп“, заедно со компанијата за истражување на пазарите „Ворлдвајд Индепендент Нетворк“ во 64 земји во светот.

Во глобален просек, 61 отсто одговориле дека би биле спремни да се борат за својата земја, додека 27 проценти одговориле дека не би биле спремни да се борат.

Очекувано, многу повисок процент мажи од жени глобално рекле дека ќе се борат (67%), но интересно е дека и повеќето жени одговориле потврдно (52%).

Највисок процент на оние кои ќе се борат за својата земја е на Блискиот исток и во северна Африка, дури 83 проценти, додека најнизок е во западна Европа, 25 отсто.

Од земјите од поранешна Југославија најмногу волја за заминување во војна има на Косово (58%), потоа во Босна и Херцеговина (55%), во Србија (46%) и Македонија (38%).

Од европските земји предничи Финска со 74 проценти од луѓето кои се подготвени за војна. По неа следи Турција со 73 %, потоа Украина со 61 процент, па Русија со 59%.

Значителна варијација има и меѓу религиите Муслиманите се најспремни за војување, дури 78%. Следат хиндуистите (77%), потоа будистите (66%), а по нив се атеистите и агностиците (57%). Меѓу христијаните, највоинствени се православните (53%), а веднаш зад нив се и католиците (52%), додека до протестантите спремни да војуваат се 48 отсто. Околу половина Евреи се подготвени за војна – (51%).

Јапонците, Германците, Италијанците и Австријците не би војувале повеќе.

Во големото истражување испитани се 62.398 лица низ светот, со примерок од околу 1000 лица за секоја земја. Анкетата е спроведена во периодот меѓу септември и декември 2014 година.

Американскиот претседател Доналд Трамп ја одобри продажбата на, осум милијарди долари вредното, оружје на Саудиска Арабија, наведувајќи ги иранските закани на својот ривал. Трамп, како што пренесуваат светските медиуми, се обиде да го заобиколи Конгресот и да го протурка договорот за продажба на оружјето.

Тој нагласи дека тековните тензии со Иран претставуваат национална итна помош. Од неговиот потег се налутија оние кои се плашат дека оружјето може да се употреби против цивилите во Јемен од силите предводени од Саудијците.

Некои демократи го обвинија Трамп дека го заобиколува Конгресот, бидејќи продажбата на оружје, вклучително и бомби со прецизно водење, би значело спротивставување на Капитол Хил. Членовите на Конгресот остро го критикуваа извештајот за човековите права на Саудиска Арабија во врска со нејзината улога во конфликтот во Јемен и за убиството на саудискиот новинар Џамал Кашоги во Истанбул минатиот октомври.

Оружјето, според наводите, ќе биде продадено и на Обединетите Арапски Емирати и Јордан.

Монт Еверест станува се поопасно место и тоа се чини поради огромниот број дозволи за качување, кои властите ги издаваат на планинари. Оваа сезона на планината загинале веќе 10 планинари.

Десетата личност која загина е британскиот планинар, Робин Хејнс Фишер, кој имал 44 години. Вчера загинал Ирецот, Кевин Хејнс. Фишер колабирал и починал на само 150 метри од врвот.

Локалните власти веќе побарале да се ограничи бројот на дозволи за качување. Непал така се најде под бројни обвинувања, бидејќи издал 381 дозвола за пролетната сезона на качувања на највисокиот светски врв. Секоја дозвола чини 11.000 долари.

Двајца планинари од Индија починаа оваа недела додека се спуштале низ планината. Локалните организатори на патувањето рекле дека едниот заглавил во гужва на планината цели 12 часа, поради што бил многу исцрпен.

65-годишен планинар од Австрија загина на северната, тибетанска страна на планината. Индијка и Американец ги загубија животите на планинатат во средата, а ирски државјанин загина по пад на 16 мај.