Свет
(Видео) Азербејџан објави војна во Нагорно-Карабах, има загинати

Министерството за одбрана на Азербејџан соопшти дека започна операција во регионот Нагорно-Карабах, кој е под контрола на Ерменија. Ова е регион кој долги години е предмет на спорови и конфликти.
Единаесет азербејџански полицајци и цивили загинаа во експлозија на мина и уште еден инцидент. Во главниот град на Карабах беа пријавени сирени за воздушна опасност.
⚡️BREAKING: The Azerbaijani Defence Ministry announced the beginning of anti-terrorist measures in #Karabakh "to restore constitutional order." pic.twitter.com/XCpziUiXnn
— KyivPost (@KyivPost) September 19, 2023
Двата соседи, Азербејџан и Ерменија, војуваа двапати за Нагорно-Карабах, прво во раните 1990-ти по распадот на Советскиот Сојуз и повторно во 2020 година. Од декември, Азербејџан де факто го блокираше единствениот пат до енклавата од Ерменија, познат како коридор Лачине.
🇦🇿🇦🇲 رتل للقوات المسلحة الأذربيجانية
باتجاه #شوشي#أذربيجان #Azerbaycan pic.twitter.com/JAgLao9hps
— ريان المصري (@Rian_almasri) September 19, 2023
Советник за надворешна политика на Азербејџан: Цивилите се користат како жив штит
„Азербејџан започна локални, но ограничени антитерористички мерки насочени кон напади врз воени цели“, изјави за Ал Џезира советникот за надворешна политика на претседателот Илхам Алиев.
Одговарајќи на извештаите за ранети најмалку 23 лица, меѓу кои и осум деца, тој рече: „Азербејџанската страна не цели на цивили на кој било начин. Имаме оружје со висока прецизност и однапред одредени воени цели“.
#Aproximidad pic.twitter.com/758ncSQ7r2 🇦🇿🇦🇲 | URGENTE: Azerbaiyán lanzó un ataque contra grupos separatistas en Nagorno-Karabaj, la zona en disputa con Armenia.
Estamos posiblemente ante el inicio de una nueva guerra. https://t.co/758ncSQ7r2 Fuente: AlertaMundial2
— A-Proximidad (@AProximidad) September 19, 2023
Но, тој вели дека колатералната штета е неизбежна бидејќи цивилите се користат како жив штит во спорниот регион. „Ги повикуваме сите цивили да се оддалечат од воените цели“, рече тој.
Демонстранти во Ереван го повикаа премиерот да поднесе оставка
Демонстрантите во главниот град на Ерменија, Ереван, го повикаа премиерот Никол Пашинјан да поднесе оставка откако тој ги осуди повиците за „државен удар“ додека Азербејџан започна воена операција во Карабах населен со Ерменци.
An air alert has been declared in #Stepanakert/Khankendi (Nagorno-Karabakh)
Localised anti-terrorist measures have been launched in the Karabakh region, the #Azerbaijani Defence Ministry reports. It that Azerbaijani military were shelled by the Armenian Armed Forces and used… pic.twitter.com/1wqz8fvfUP
— NEXTA (@nexta_tv) September 19, 2023
Стотици луѓе се собраа на Плоштадот на Републиката во Ереван, пред канцелариите на Пашинјан, за да го осудат неговото справување со кризата во Карабах, според репортерот на АФП на местото на настанот, а демонстрантите извикуваа „Никол предавник!“ и „Никол поднеси оставка!“
Ерменската опозиција го обвини Пашинјан дека е слаб во однос на Карабах, отцепен регион населен претежно со етнички Ерменци за кој Ереван и Баку се спорат со децении.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Косовска влада: Војската на Србија тргна од три правци кон Косово

Владата на Косово вечерва соопшти дека внимателно и будно ги следи последните случувања во врска со движењето на воените единици на вооружените сили на Србија во правец на линијата кон Косово.
Во соопштението се додава дека движењата на српската војска биле извршени од три различни правци.
„Единиците на Втората бригада на српските вооружени сили се движеа од правец на Рашка кон северната граница на нашата земја, единиците на Третата бригада на вооружените сили на Србија се движеа од подрачјето на Ниш кон североисточната граница на нашата земја, а единиците на четвртата бригада се движеа од подрачјето на Врање кон источната граница на Република Косово“, се наведува во соопштението на Владата на Косово.
Како што додаваат, воените единици на српските вооружени сили вчера ги распоредиле своите воени и жандармериски капацитети во 48 напредни оперативни бази, кои се наоѓаат долж линијата со Косово, на неколку километри длабоко во територијата на Србија.
Ова распоредување, како што се вели, вклучува и распоредување на противвоздушни системи и тешка артилерија.
„Многу пати изразивме загриженост за постоењето на овие 48 напредни бази на српската војска и жандармерија и го потенциравме веќе докажаниот факт дека овие бази служат како поддршка за можна воена агресија врз Косово. Владата на Косово е во постојан контакт со САД и земјите од ЕУ во врска со оваа сериозна закана од Србија, а реакцијата на САД на ваквиот агресивен пристап на Србија беше итна и директна“, посочуваат од косовската влада.
Тие го повикуваат претседателот Вучиќ и институциите на Србија веднаш да ги повлечат сите воени трупи од граничната линија со Косово и да затворат и демилитаризираат 28 напредни воени бази и 20 бази на жандармеријата кои претставуваат постојана закана.
Во соопштението се нагласува и дека институциите на Косово, во координација со меѓународните партнери, се „порешителни од кога било да го заштитат територијалниот интегритет, да го зачуваат суверенитетот, уставниот поредок, јавниот ред и животот на граѓаните“.
Регион
Вучиќ: Војската нема да влезе во Косово, ќе ги повлечеме силите од тој простор

Српскиот претседател Александар Вучиќ изјави дека нема намера да и нареди на армијата да ги премине административните премини со Косово и Метохија, додавајќи дека ќе ги повлече српските сили од тоа подрачје бидејќи, како што наведе, ескалацијата на конфликтот би била контрапродуктивна кога станува збор за желбата на Србија да стане членка на Европската унија.
„Зошто ова би било од корист за Белград? Која би била идејата? Да ја уништиме нашата позиција што ја градевме една година? Да ја уништиме за еден ден? Србија не сака војна“, рече Вучиќ во изјава за „Фајненшл тајмс“.
Тој додаде дека предупредувањата на Вашингтон се непропорционални бидејќи бројот на српските сили на теренот се намалува.
Регион
ЕУ повика на повлекување на српските трупи од косовската граница

Високиот претставник на ЕУ за надворешна политика, Жозеп Борел, изјави дека Европската унија е многу загрижена поради, како што рече, акумулацијата на српската војска на административната линија.
„Со партнерите и сојузниците разговараме за актуелната ситуација на северот на Косово, која пред се бара деескалација и стабилизација на безбедносната ситуација. За ова прашање сме во близок и редовен контакт со САД“, изјави Борел пред новинарите во Одеса.
Тој оцени дека минатонеделното заплена на оружје и опрема во Бањска е многу сериозна работа.
„Истовремено, акумулацијата на српската војска на административната линија е многу загрижувачка и неопходно е итно да престане. На европскиот континент нема место каде да се акумулира оружје и безбедносни сили. „Силите треба веднаш да се повлечат“, рече Борел.