Свет
(Видео) Античка гробница полна со саркофази е пронајдена во Египет

Египетскиот министер за туризам и антиквитет ја информираше јавноста дека археолозите откриле десетици антички саркофази во голема гробница јужно од Каиро.
Калид ал-Анани рече дека се пронајдени најмалку 59 запечатени саркофази со мумии. Се проценува дека повеќето од нив биле погребани на три локации пред повеќе од 2.600 години.
„Мислам дека ова е почеток на големо откритие“, рече ал-Анани, додавајќи дека во истата област постојат уште саркофази кои не се ископани.
Privileged to attend the opening of a recently unearthed #sarcophagi in an #ancient #Egyptian city of the dead in #Saqqara. A credit to the Minister of Tourism & Antiquities HE Khaled El Anany & everyone else involved in an amazing dig. ??#Egypt #Archaeology pic.twitter.com/IgsYCekJFz
— Glenn Miles ???? (@AusAmbEgy) October 3, 2020
Првичните студии укажуваат дека пронајдените саркофази биле украсени на таков начин што покажува дека тие биле наменети за припадници на елитниот слој на општеството во тоа време.
Археолозите пронашле и вкупно 28 статуетки oд божеството Птах Сокер и прекрасно издлабена бронзена статуа на божеството Нефертум, висока 35 сантиметри, обложена со скапоцени камења. Името на сопственикот, свештеникот Бади Амун, билло напишано врз основата на статуата, рече Вазири.
Властите открија голем број ковчези минатиот месец, кога археолозите пронајдоа 13 гробници на новооткриената локација на длабочина од 11 метри, пишува АП.
Локалитетот Сакара е дел од некрополата на античката египетска престолнина Мемфис, која ги вклучува познатите пирамиди во Гиза.
Урнатините на Мемфис беа прогласени за светско наследство на УНЕСКО во 1970-тите.
Ел-Анани рече дека ковчезите од Сакара ќе се придружат на колекцијата на уште 30 антички дрвени ковчези откриени во Луксор и ќе бидат изложени во новиот Голем египетски музеј, кој се гради во близина на пирамидите во Гиза.
Откритието од Сакара е последно во низата археолошки откритија направени во Египет во обид да заживее клучниот туристички сектор, кој беше тешко погоден од политичките превирања, но и од пандемија на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Падна француската влада

Францускиот премиер Франсоа Бајру го изгуби гласањето за доверба што самиот го побара за својата влада.
Француското национално собрание гласаше за негово разрешување со 364 гласа „за“ и 194 „против“, со што се собори неговата малцинска влада.
Bayrou est tombé. Victoire et soulagement populaire. Macron est désormais en première ligne face au peuple. Lui aussi doit partir. pic.twitter.com/MTkCQU6yXH
— Jean-Luc Mélenchon (@JLMelenchon) September 8, 2025
Бајру сега мора да ја поднесе својата оставка до претседателот Емануел Макрон, а според извештаите на француските медиуми, тој ќе го стори тоа утре наутро.
Макрон има неколку опции – ниту една од нив не е особено привлечна, објавува Би-би-си.
Тој би можел да назначи нов премиер, но наоѓањето кандидат кој нема веднаш да биде одбиен од една од главните парламентарни фракции нема да биде лесно. Минатата година, процесот траеше неколку недели. Бајру веројатно ќе остане на функцијата како технички премиер додека не се именува наследник.
Макрон би можел да распише и нови парламентарни избори. Тоа би го променило сегашниот баланс на моќ, но би можело да резултира со уште поубедлива победа за крајно десничарскиот Национален собир на Марин Ле Пен.
Друга опција е да се распишат претседателски избори на кои Макрон нема да може да се кандидира бидејќи неговиот втор мандат завршува во 2027 година. Некои парламентарни групи го повикаа да го направи тој потег, но тој постојано повторуваше дека нема да поднесе оставка.
фото: епа
Европа
Францускиот премиер пред заминување: Нашата земја е во голема опасност

Преголемиот долг на Франција го доведува во прашање нејзиниот опстанок, предупреди денес премиерот Франсоа Бајру, пред гласањето за доверба на неговата влада, кое се очекува да го изгуби, што би можело да ја турне втората по големина економија во еврозоната во подлабока криза.
Бајру, четвртиот премиер за помалку од две години, побара гласање за доверба поради акутниот притисок со кој се соочува Франција, со минатогодишниот дефицит кој е речиси двојно поголем од европската граница од 3 проценти од БДП и јавниот долг од 113,9 проценти од БДП.
Тој го предупреди парламентот дека секоја следна влада ќе се соочи со истите проблеми. „Имате моќ да соборите влада, но немате моќ да ја избришете реалноста. Реалноста ќе остане неумолива: трошоците ќе продолжат да растат, а товарот на долгот, веќе неподнослив, ќе стане потежок и поскап“, им рече Бајру на пратениците.
Опозициските партии јасно ставија до знаење дека не се согласуваат со него за тоа како да се справи со долгот и ќе гласаат против малцинската влада на Бајру.
„Клучното прашање, прашање на живот и смрт, каде што е во прашање нашиот опстанок… е прашањето за контрола на нашите трошоци, прашањето за презадолженост“, го предупреди Бајру парламентот.
Падот на малцинската влада, што изгледа веројатно, би можел дополнително да ги продлабочи проблемите на Франција во критичен момент за Европа која бара единство, соочена со војната на Русија во Украина, сè подоминантната Кина и трговските тензии со Соединетите Американски Држави.
„Нашата земја има итна потреба од јасност, има најитна потреба од единство. Но, токму поделбата се заканува да преовлада, а го загрозува нејзиниот имиџ и углед.“
Исходот од гласањето за доверба, по говорите на Бајру и лидерите на сите политички групи, би можел да биде познат околу 19 часот по средноевропско време.
фото: принтскрин
Свет
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата

Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што земјата го спроведува во Палестина.
„Едно е да ја браниш својата земја, а друго е да бомбардираш болници и да ги изгладнуваш децата“, рече Санчез во говорот од зградата на владата во Мадрид.
„Не станува збор за одбрана, па дури ни за напад, туку за истребување на народ кој не може да се одбрани. Тука се прекршени сите закони на хуманитарното право“, додаде тој.
Санчез ја обвини меѓународната заедница за соучество во злосторството на израелскиот премиер Бенјамин Нетанјаху, потсетувајќи дека израелската армија убила 63.000 луѓе, ранила 159.000, изгладнела 250.000 и протерала повеќе од 2 милиони од своите домови.
„Шпанската влада итно ќе усвои мерка за правно регулирање на воведувањето ембарго за оружје врз Израел“, рече Санчез.
Ова ќе забрани купување и продажба на оружје, муниција и воена опрема на Израел. На шпанските пристаништа нема да им биде дозволено да примаат бродови што транспортираат гориво за израелската армија, додека на авионите што транспортираат резерви за израелските вооружени сили ќе им биде забрането да влегуваат во шпанскиот воздушен простор.
„Ќе забраниме влез во Шпанија на сите лица кои директно учествуваат во геноцид, кршење на човековите права и воени злосторства во Појасот Газа“, рече премиерот.
Шпанија, исто така, ќе забрани увоз на сите производи што доаѓаат од израелските населби во окупираниот Западен Брег и Појасот Газа со цел „да се сузбие окупацијата, да се запре присилното протерување и да се олесни решението за две држави“.
фото: принтскрин