Басистот на рок групата „Рибља чорба“, Мирослав Миша Алексиќ почина на 67-годишна возраст.Познатиот музичар ја изгуби битката со коронавирусот. Тој се лекуваше од коорнавирусот во КБЦ „Бежаниска коса“, а неговата состојба се влошила и бил ставен на респиратор.

Неговата ќерка Мина Алексиќ пред неколку дена објави тажна порака на Фејсбук за состојбата на нејзиниот татко. Веруваше дека ќе се опорави.

„Мојот Миша е заболен од ковид и е на респиратор веќе трет ден. Секој час е негова борба за животот, како и моја за него. Миша би сакал сите наши блиски луѓе да знаат каков борец е тој. Би сакал сите луѓе кои го сакаат и почитуваат да бидат со нас, да бидат со него и да веруваат дека ќе го победиме коронавирусот“, напиша таа.

Кинеските власти објавија дека вселенското летало Change-5 успешно влезе во орбитата на Месечината и се подготвува да слета, како дел од историската мисија на природниот сателит на Земјата.

Националната вселенска агенција на Кина (ЦНСА) објави дека роботското летало влезе во орбитата на Месечината по 112 часа лет и ја намали брзината без никакви проблеми, што е првиот чекор во подготовките за слетување.Во соопштението се вели дека се очекуваат уште неколку маневри пред да слета на површината на Месечината.

Вселенското летало се состои од четири модули, вклучително и модул за влегување во Месечината, модул за слетување, роботски теренец и модул за полетување од Месечината.

Планот е роботот рачно да ископа речиси два метри под површината и од Месечината да донесе приближно два килограми тежок камен на Земјата. Вселенското летало треба да се врати во Кина по 23 дена, односно во средината на декември.

Кина на тој начин ќе влезе во друштво на САД и Русија, кои успеаја да ги реализираат мисиите за носење примероци од Месечината, и ова ќе биде прв ваков подвиг од 70-тите години на минатиот век.

Откако добила лесна треска, сопругата на хрватскиот премиер Ана Маслаш-Пленковиќ, се тестирала за присуство на коронавирус во саботата, а нејзиниот тест е позитивен, објави хрватската Влада.

Како резултат на тоа, премиерот Андреј Пленковиќ е исто така тестиран за присуство на коронавирус, но неговиот тест е негативен. На хрватскиот премиер му е изречена епидемиолошка мерка за самоизолација од 10 дена.Тој ќе продолжи да ги извршува своите активности и обврски од дома, се наведува во соопштението.