Генералштабот на украинската војска остро ги негираше тврдењата на началникот на рускиот Генералштаб Валериј Герасимов дека руските сили го освоиле Купјанск. Герасимов за наводниот пад на градот го известил директно рускиот претседател Владимир Путин за време на неговата посета на командното место, но Киев вели дека градот останува под украинска контрола, пишува „Киев Индепендент“.

Kupyansk has been liberated, Gerasimov reported to Putin.

In liberated Kupyansk, individual small enemy groups are being destroyed, the commander of the Zapad group reported.

🔹 RIA Novosti pic.twitter.com/zpc3H45OEb

— Victor vicktop55 commentary (@vick55top) November 20, 2025

„Купјанск останува под контрола на Одбранбените сили на Украина“, објави Генералштабот. „Во и околу Купјанск, во тек се контрасаботажни операции и специјални операции за пребарување и уништување против непријателски извидувачки и саботажни групи кои се инфилтрирале во градот“.

Во соопштението се додава дека „раководството на терористичката држава продолжува да произведува евтини информативни провокации“ со цел да ги прикрие „критичните“ руски загуби. Да потсетиме, украинските сили за специјални операции објавија видео на кое се гледаат жестоки улични борби во градот Купјанск во регионот Харков.

Купјанск, стратешки важен град во Харковската област, повторно стана место на жестоки борби, додека Русија продолжува со своите обиди за напредување во регионот.

Градот е затворен за цивили од 28 септември поради тековните борбени операции и заканата од руски саботажни групи. Заземањето на Купјанск е главната цел на Русија во Харковската област, потврди претходно Олексиј Белски, портпарол на оперативно-стратешката команда на Дњепарк.

фото: принтскрин

Индиските власти истражуваат дали пропусти во синџирот на снабдување со фармацевтски состојки довеле до контаминација на сируп за кашлица што во изминатите месеци усмртил најмалку 24 деца, пренесе Ројтерс. Истрагата е насочена кон тоа како токсичната хемикалија завршила во производот.

Здравствените и фармацевтските инспектори од државата Тамил Наду се сомневаат дека растворувачот користен за серијата сирупи „Колдриф“ бил контаминиран уште при испораката до производителот „Сресан Фармацеутиал Мануфактурер“.

Властите потврдија дека сирупот бил силно контаминиран со диетилен гликол (DEG). Се утврдува како оваа хемикалија завршила во пропилен гликолот (ПГ), кој служи како база во сирупите за кашлица.

Случаите на смрт од септември повторно ја отворија загриженоста за безбедносните стандарди во индиската фармацевтска индустрија од 50 милијарди долари. Оваа трагедија следи по смртта на повеќе од 140 деца во Африка и Централна Азија во 2022 и 2023 година, исто така поради индиски сирупи произведени со контаминирани растворувачи.

Според извештајот на регулаторите во Тамил Наду, „Сресан“ на 25 март купил 50 килограми пропилен гликол од дистрибутерот „Санрајс Биотек“, кој истиот ден го набавил од „Џинкушал арома“ — фирма што произведува ароматични смеси за детергенти. И двете компании немаат дозволи за тргување со фармацевтски состојки.

„Санрајс“ признал дека го препакувал растворувачот во два незапечатени контејнери, а сопственикот на „Џинкушал“ потврдил дека ги отворил фабричките пломби. И двајцата тврдат дека не ракувале со токсичен DEG и не знаат како дошло до контаминацијата.

По смртта на децата, инспекциите во фабриката „Сресан“ откриле стотици „критични“ и „големи“ прекршувања — од лоши хигиенски услови до фалсификување на податоци. Производната дозвола им е одземена, а основачот Г. Ранганатан е во притвор. Компанијата и претходно била санкционирана, но фабриката не била подлежна на инспекции од 2023 година, потврдиле двајца државни здравствени функционери.

Во руски ноќен напад врз градот Запорожје загинаа најмалку пет лица, а осум беа повредени, соопштија локалните власти. Регионалниот гувернер, Иван Федоров, ги потврди бројките на жртви во петокот околу 4:30 часот по локално време, објави „Киев Индепендент“.

Првите извештаи за нападот се појавија доцна синоќа, кога низ целиот град се слушнаа силни експлозии. Според Федоров, руските сили користеле насочувани воздушни бомби од типот КАБ.

Огромна штета на цивилните објекти
Бомбите предизвикаа голема штета на цивилната инфраструктура, при што беа оштетени најмалку пет повеќекатни станбени згради. Сите служби за итни случаи се на местото на настанот, кои работат на гаснење на пожарот и проценка на вкупната штета.

фото: принтскрин