Свет
(Видео) Во пожарите во Австралија изгореа 81 куќа, ветрот им прави проблем на пожарникарите
Австралиските власти објавија дека 81 куќа изгореле во пожарите на западот на земјата, а силниот ветар ги отежнува напорите за гаснење на пожарот, пренесува „Ројтерс“.
Премиерот на Западна Австралија, Марк Мекгован, изјави дека пожарникарите успеале да го намалат најголемиот од седумте пожари, но предупредиле дека силниот ветар може да ја зголеми опасноста.
Овие пожари се многу непредвидливи и работите може многу брзгу да се влошат, изјави Мекгован пред новинарите во Перт.
Властите соопштија дека ветровите веќе спречиле полетување на противпожарните авиони, како и дека се очекува влошување на времето во следните неколку часа.
Метеоролозите, сепак, најавуваат подобри временски услови во наредните денови, а в сабота се очекуваат врнежи од дожд во областите погодени од пожарите.
Нема жртви во пожарите, а нивната причина сè уште не е позната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

