Свет
(Видео) Грабежи низ Лос Анџелес: крадци се облекуваат како пожарникари за да упаднат во напуштени домови
Полицијата уапси голем број разбојници облечени како пожарникари кои упаднаа во напуштени домови во Лос Анџелес, каде околу 35.000 домови и деловни објекти се уште се без струја поради разорните пожари.
Пожарите ги оштетија далноводите низ Калифорнија, пишува Sky News. Во меѓувреме, силниот ветер придонесува за брзо ширење на пожарот и го оневозможува работењето на авионите за гаснење на пожарот.
Palisades Fire in Los Angeles.
Videos by: Sam Dubin pic.twitter.com/jN3XHThEEQ— Chris (@christophergia) January 8, 2025
Еден од големите проблеми со кои се соочува целата област е разбојниците кои провалуваат во напуштените празни куќи. Евидентирани се голем број случаи на разбојништва, а дел од разбојниците се облечени како пожарникари за полесно да влезат на туѓ имот.
Портпаролот на полицискиот оддел во Лос Анџелес изјави дека голем број луѓе биле уапсени.
– Уапсивме две лица кои се претставуваа како пожарникари и кои влегуваа во напуштени куќи и ги ограбуваа – рече тој.
PALISADES FIRE UPDATE – 1/11, 11:30 a.m.
The Palisades Fire has burned 22,660 acres, with 11% containment, 5,000+ structures damaged/destroyed, 426 homes confirmed destroyed (Malibu and Pacific Palisades).
Read the full update: https://t.co/8Ey2YYCL16. pic.twitter.com/iPicZpclpo
— City of Malibu (@CityMalibu) January 11, 2025
Според досегашните информации, во пожарите кои почнаа да се шират на 7 јануари загинале 16 лица, а повеќе од 150.000 биле евакуирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Данска се обидува да го одврати Трамп од идејата дека мора да биде сопственик на Гренланд
Данскиот министер за надворешни работи, Ларс Леке Расмусен, изјави дека Копенхаген се обидува да го разубеди американскиот претседател Доналд Трамп од идејата дека мора да го поседува Гренланд.
Расмусен го изјави ова на прес-конференција во Осло, по средбата со својот норвешки колега. Тој нагласи дека вниманието кон Гренланд не треба да го засени фактот дека во Украина сè уште се води војна и дека е во критична фаза.
И покрај заканите од Вашингтон, Данска, според Расмусен, сака да продолжи со дипломатски пристап. По средбите во Вашингтон со потпретседателот на САД, Џеј Ди Ванс, и со државниот секретар Марко Рубио, решено е да се формира работна група на високо ниво која ќе разгледа дали постои заедничко решение. Првата средба се очекува во наредните недели.
Свет
Орбан доби покана од Трамп да се приклучи на мировниот совет за Појасот Газа
Унгарскиот премиер Виктор Орбан добил покана од американскиот претседател Доналд Трамп да учествува во Советот за мир за Појасот Газа, соопшти денеска унгарскиот министер за надворешни работи и трговија Петер Сијарто.
„Премиерот доби покана од американскиот претседател Доналд Трамп да се приклучи на Советот за мир за Појасот Газа. Според нас, оваа покана е признание за унгарскиот премиер, и тој, секако, ќе учествува во работата на тој совет. Премиерот ми наложи да ја информирам американската администрација“, изјави Сијарто, пренесе официјалниот портал на унгарскиот јавен сервис Hirado.hu.
Тој истакна дека мировните иницијативи на Трамп се високо ценети во светот и додаде: „Американскиот претседател претставува надеж за мировниот процес“.
Според Сијарто, Унгарија е заинтересирана за мир на Блискиот Исток, бидејќи безбедносната состојба во регионот има значително влијание врз Централна Европа.
Орбан веќе присуствуваше на церемонијата за потпишување на мировниот договор во Шарм ел Шеик, Египет, на 13 октомври. Советот за мир за Појасот Газа ќе биде задолжен за надгледување на втората фаза од планот за прекин на војната во палестинската енклава.
Свет
Германските војници го напуштија Гренланд
Извидничкиот тим на германската армија Бундесвер го напушти Гренланд по само два дена престој.
Повлекувањето го објавија „Билд“ и „Дер Шпигел“, а информацијата за новинската агенција ДПА ја потврди и портпаролот на германското Министерство за одбрана.
Според „Билд“, кој прв ја објави веста, војниците биле информирани за ненадејното заминување дури утрово.

