Белоруските демонстранти утринава формираа синџири на солидарност во повеќе делови на белоруската престолнина како поддршка на ултиматумот на народот поставен од опозицијата, пренесува ТАСС.

Лекари од кардиолошкиот истражувачки центар „Кардиологија“, многумина со црвено-бели знамиња и амблеми, се наредија на улицата Грушевка. Сличен протест е во тек на улицата Мајаковски во близина на метро-станицата „Михалово“.

Сведоците пријавиле апсења на улицата „Первомајскаја. Во некои делови на градот демонстрантите блокираа патишта, но веднаш беа испратени патроли на автопатите за да се врати сообраќајот во нормала. Група од 100 студенти на белорускиот државен универзитет одржуваат протест со седење во главната зграда на универзитетот.

Ултиматумот на поранешната претседателска кандидатка Светлана Тихановскаја до претседателот Александар Лукашенко истече вчера. Опозицијата повика на протести на индустриските претпријатија почнувајќи од денеска.

На Орловской многочисленные взрывы. Люди бегут врассыпную по дворам.

Одна из светошумовых взорвалась прямо под окнами жилого дома. pic.twitter.com/bGD5P0Cwu1

— TUT.BY (@tutby) October 25, 2020

Белоруската полиција вчера употреби шок-бомби за да ги растера демонстрантите што се упатија кон резиденцијата на претседателот Александар Лукашенко во Минск кога илјадници антивладини демонстранти мирно маршираа на улиците во градот.

За време на огромниот антивладин митинг, учесниците наидоа на повеќе полициски кордони и беа принудени да ги заобиколат. Една таква средба се покажа како особено жестока бидејќи полицајците користеа груби мерки за растерување на толпата.

Во медиумите се појавија тврдења за употреба на гумени куршуми против демонстрантите, да локалната полиција соопшти дека ги проверува извештаите за пукање со огнено оружје за време на судирите.

BREAKING – Stun grenades were used by security forces near the central police station in Minsk.pic.twitter.com/zq3Dh699iO

— Disclose.tv ? (@disclosetv) October 25, 2020

Снимките што кружат на интернет покажуваат неколку експлозии на шок-бомби среде улица и демонстранти како бегаат од полицајци и влегуваат во станбена област.

Еще одно жесткое видео с разгона протестующих на Орловской. #минск pic.twitter.com/V5CGHNINVe

— Алексей Кириленко (@Kirilenko_a) October 25, 2020

По конфронтацијата, наводно биле приведени повеќе демонстранти. Мерките за контрола на немирите беа употребени кога демонстрантите се собраа во близина на седиштето на регионалната полиција, изјавија властите од Минск за „РИА новости“.

Приближно 120 лица беа приведени за време на масовните протести во неделата во Минск, соопшти полицијата, додавајќи дека двајца полицајци биле повредени во судирите.