Најмалку десет пожарникари и спасувачи загинаа, а 14 припадници на службите за итни случаи и шумарски работници се повредени при борба со шумски пожар во централната турска покраина Ескишехир, изјави вчера турскиот министер за земјоделство и шумарство, Ибрахим Јумакли.

Пожарникарите и спасувачите се бореа со пожарот во областа Сејитгази од раните утрински часови. Седум пожари сè уште горат во пет централни и западни турски провинции, рече министерот.

Bu feryatları duyan yok!

Bu gece #Eskisehir de
11 orman işçisi cayır cayır yandı!
Dünya tarihiinde hiç bir yangında bu kadar kayıp yoktur.
Bu nasıl rezalet aklım almıyor!!
Bu kadar mı sahipsiz bu ülke!!
Nerde bu devlet!!#SoykırımDavaları ülkeyi ne hâle getirdi!! pic.twitter.com/FjHKhM67yp

— Fehmi Acat (En yeni) (@FehmiAcatCH47) July 23, 2025

Пожарникарите на Кипар денес се бореа и со огромен шумски пожар, што доведе до евакуација на најмалку четири села. Властите соопштија дека пожарот беснее во област северно од Лимасол, со силни ветрови и високи температури. Портпаролот на противпожарната служба изјави дека пожарот предизвикал значителна штета на домовите во областа позната по своите лозја.

Cyprus – huge fires out of control with strong winds and 45C predicted tomorrow!

Several villages evacuated and many homes under serious threat.

Any help from our neighbours needed urgently. pic.twitter.com/m9f1rjqMt8

— Andreas Adamides (@AndreasAdamides) July 23, 2025

Кипар побара помош од ЕУ, а Јордан исто така ќе испрати помош. Температурите на Кипар вчера достигнаа 43 степени Целзиусови. За денеска се очекува да се искачат на 44 степени, највисоки оваа година.

Фото: принтскрин

Тешка авионска несреќа се случила вчера во италијанската покраина Бреша, кога ултра лесен авион се срушил во местото Ацано Мела, близу сообраќајниот јазол Корда Моле, кој ги поврзува автопатите А4 и А21. Двете лица кои биле во авионот починале на лице место, пренесе RaiNews.

Авионот полетал од Пјаченца, а по неколку часа властите ги идентификувале жртвите – се работи за 75-годишен маж од Милано и неговата 60-годишна партнерка.

✈️🔥 A plane crashed onto a busy highway in Italy — several cars passed through a wall of fire

According to Brescia Today, the cause of the crash remains unknown.

On board were a 75-year-old man and a 60-year-old woman. They both died. pic.twitter.com/65JdtqyS0D

— NEXTA (@nexta_tv) July 23, 2025

Во несреќата индиректно учествувале и двајца возачи на автомобили. При падот, авионот се запалил, а автомобилите во тој момент поминувале низ местото на несреќата и минале низ пламенот.

Снимка од падот на авионот се прошири на социјалните мрежи.

Еден од возачите, 56-годишен маж, бил пренесен во болницата Полиамбуланца во Бреша како мерка на претпазливост, иако немал видливи повреди. Другиот возач, стар 49 години, бил прегледан на лице место и не било потребно да биде хоспитализиран.

Јавното обвинителство во Бреша побарало помош од воздушната полиција од Милано за да се утврдат сите околности околу падот. Истрагата е во тек и има за цел да ги разјасни причините и динамиката на оваа трагична несреќа.

Русија и Украина денеска ја почнаа третата рунда директни мировни преговори во Истанбул, јавува руската новинска агенција ТАСС.

Делегациите на двете земји веќе пристигнаа во главниот град на Турција, но и двете страни предупредуваат дека разговорите нема да бидат лесни.

Од Кремљ порачаа дека процесот ќе биде сложен, а украинскиот претседател Володимир Зеленски изјави дека неговите очекувања не се високи, бидејќи разговорите за прекин на огнот не се на дневен ред.

Според Зеленски, денешната средба треба да се фокусира на теми како враќањето на украинските воени заробеници и децата кои, како што тврди Киев, биле одведени од Русија. Покрај тоа, ќе се разговара и за можноста за организирање лидерска средба на претседателско ниво.

Претходните две рунди преговори, одржани во Истанбул на 16 мај и 2 јуни, не донесоа напредок во однос на прекин на огнот. Единствен резултат од тие средби беше договор за размена на заробеници и враќање на телата на загинатите војници.

Мировниот процес, според дипломатски извори, бил поттикнат и од американскиот претседател Доналд Трамп, кој неодамна јавно го критикуваше Кремљ за недоволен ангажман околу прекинување на војната, најавувајќи и нови санкции доколку нема резултати.

Украина бара итен и безусловен прекин на огнот како основа за натамошни разговори. Русија, пак, и натаму стои на своите барања – вклучувајќи целосно повлекување на украинските сили од источните територии што Москва ги анектираше.

Руската делегација повторно ја предводи претседателскиот советник и поранешен министер за култура, Владимир Медински. Од украинска страна, делегацијата ја води поранешниот министер за одбрана Рустем Умеров, кој сега е на чело на Советот за национална безбедност и одбрана.