Свет
(Видео) Едногодишно момче загина на паркинг, за трагедијата обвинета мајка му
Жизел Васкез, 18-годишна мајка од Тексас, е обвинета за загрозување дете кога надзорните камери на еден паркинг го регистрирале моментот кога таа се оддалечила од својот 18-месечен син, кој само неколку секунди подоцна бил прегазен од автомобил, пишува „Дејли мејл“.
Мајката е обвинета за сериозно кривично дело – загрозување на безбедноста на децата по смртта на нејзиниот син Алан Виледа, кој бил удрен од автомобил што излегувал од паркингот по што загинал.
На снимката се гледа Васкез како минува низ паркингот со двомесечната ќерка во рацете. Во исто време нејзиниот син е на другиот крај на паркингот и го следи својот тригодишен братучед.
Мајката подоцна забележала дека синот не е покрај неа и по две минути, се вратила на местото на несреќата, а жената зад воланот на автомобилот, кој го усмртил момчето, воопшто не била свесна дека го прегазила детето, па го напуштила местото на инцидентот.
Кога се вратила на местото на настанот, таа поминала на тестот за дрога и алкохол.
Васкез изјавила дека не знаела оти децата останале зад неа и верувала дека во моментот на несреќата тие биле со сестра ѝ.
Полицијата сè уште го истражува инцидентот, а засега не е поведено обвинение против лицето што управувало со возилото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

