Израелски борбени авиони утрово истрелаа ракети врз најголемиот пристанишен град во Сирија, предизвикувајќи нови експлозии и пожари.

Ова е втор напад за еден месец врз клучни постројки, објавија сириските државни медиуми, пренесува „Ројтерс“.

Се сомнева дека проектилите паднале врз магацините за оружје и муниција.

„Причинета е значителна материјална штета во пристаништето Латакија, а проектилите пристигнале од правец на Медитеранот“, изјавил неименуван воен извор за сириската државна агенција Сана.

Iranian terror regime targets have been hit in Latakia port, Syria ?? for the second time this month. Judging by the massive explosions, these are obviously not food containers. pic.twitter.com/doP3qX4lbW

— Avi Kaner ابراهيم אבי (@AviKaner) December 28, 2021

Засега нема информации за жртви, а на социјалните мрежи е објавено видео од пожарот во пристаништето.

Сириската државна телевизија објави снимка на која се гледа пламен и чад во областа каде што се наоѓаат контејнерите.

Локалните медиуми јавуваат дека е оштетен предниот дел на болница, некои станбени згради и барови.

Министерот за одбрана го обвини Израел за агресија, а „Ројтерс“ пренесува дека нападите врз, како што велат Израелците, „ирански цели“ во Сирија, врз групи како Хезболах, кој го поддржува Техеран, неодамна се интензивирани.