Свет
(Видео) Илјадници Полјаци излегоа на улица во Варшава на протест против власта

Илјадници Полјаци од целата земја се собраа во Варшава на голем марш на покана на лидерот на опозицијата и поранешен долгогодишен премиер Доналд Туск, на 34-годишнината од првите делумно слободни парламентарни избори, за да ѝ порачаат на владата на партијата Право и правда и нејзиниот лидер Јарослав Качински дека одбиваат Полска осум години со нив на чело да лизга во полуавторитарен режим.
„Одиме кон слободна Полска“ беа пречекани со извици од демонстрантите на плоштадот во близина на седиштето на владата Туск и легендарниот водач на полскиот отпор кон комунистичкиот режим, добитник на Нобеловата награда за мир, поранешниот претседател Лех Валенса.
„Денес, на годишнината од слободните избори, победата чиј креаторот стои до мене, сите луѓе со добра волја во Полска ќе одат на победа. Тука сме за цела Полска, целиот свет да види колку сме силни. Овој бран повеќе нема ништо да го запре“, им рече Доналд Туск на демонстрантите на почетокот на маршот.
Организаторите првично најавија околу 50.000 учесници и без учество на други лидери на опозицијата, но подоцна објавата ја надополнија со најмногу 200.000 учесници бидејќи опозициските лидери сепак решија да се приклучат на протестниот марш и ги поканија своите симпатизери.
Причината и последната капка што ја прелеа чашата е што пред десет дена владејачката коалиција формираше нова државна Комисија за истрага на руското влијание врз безбедноста на Полска од 2007 година, која според мислењето на полската опозиција и правните експерти, како и САД и Европската унија, може да ја оспори легитимноста на есенските парламентарни избори.
Според адвокатите, комисијата прекршува точно 13 члена од Уставот, може да води истраги не само против политичари туку и против новинари, адвокати, претприемачи, менаџери, невладини организации, има пристап до доверливи податоци каде вообичаено законот го штити правото на чување тајни, како што е случајот со адвокатите или новинарите, и може да го казни секој што смета дека дејствува под нејасно дефинирано руско влијание со 10-годишна забрана за вршење функција финансирана од јавни пари, па дури и забрана за носење оружје.
Властите се обидоа да им одговорат на Полјаците по нивното пристигнување во Варшава со видео на кое тие покажаа слики од кампот Аушвиц, што беше остро критикувано и од претседателот на Полска Анджеј Дуда како неприфатливо жртвите на холокаустот да се злоупотребуваат во дневно-политички конфронтации.
„Ние луѓето сакаме демократска, европска Полска. Овој плоштад носи симболично име „На раскрсница“, но ние одиме на победа. Доста ни е. Целиот свет не гледа како во 1989 година“, им порача на насобраните популарниот опозициски градоначалник на Варшава, Рафал Часковски.
Во толпата се веат полските двобојни знамиња и знамињата на ЕУ и многу различни транспаренти со пораки како „Кој заспива во демократија, се буди во диктатура“.
Интензивирањето на предизборната кампања и се посилното играње на антиевропската и антигерманската карта од страна на властите, со редовни обвинувања на политички неистомисленици дека работат во интерес на Русија или дека се барем нејзини „корисни идиоти“, ги поттикна Полјаците да почнат да изразуваат загриженост во анкетите дека нивната земја веќе се лизга во авторитарна држава.
Според последното истражување што денеска го објави полскиот весник „Жечпосполита“, само 22,8 отсто од испитаниците веруваат дека живеат во правна држава, додека 28,9 отсто сметаат дека владеењето на правото сè уште постои, но е сериозно загрозено, а 40,4 отсто од Полјаците се убедени дека по осум години власт на конзервативците на Јарослав Качински, владеењето на правото во Полска повеќе не постои.
Маршот на 4 јуни минува низ центарот на Варшава, покрај Претседателската палата, а ќе заврши со говори на лидерот на опозицијата на плоштадот пред блискиот Кралски замок.
The largest opposition march in recent years takes place in #Warsaw
Parliamentary elections will be held in Poland in October. It is noteworthy that the country’s largest parties do not intend to change their tough stance on Russia. Nor will they change their support for… pic.twitter.com/6kykbzWWJC
— NEXTA (@nexta_tv) June 4, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Мелони: Италија повеќе не сака да прифаќа мигранти спасени од странски невладини организации

Невладините организации кои спасуваат мигранти во Медитеранот ќе мора да ги симнат во земјите чиешто знаме го веат нивните бродови, особено во Германија, доколку не се најде подобар компромис за статусот на азил и имиграција, изјави италијанската премиерка, Џорџа Мелони, вечерва во Малта.
Таа го отфрли амандманот претставен од Германија за статусот и улогата на невладините организации, додека во четвртокот во Брисел беше усвоена реформата на Пактот за азил и имиграција.
Текстот беше одобрен од земјите-членки на Европската унија, но Италија, изненадена од доцното поднесување на германскиот амандман, изрази резервираност и побара период за размислување.
„Тој амандман е чекор наназад и затоа предлагаме друг амандман според кој државата е одговорна за пречекот на мигрантите кои се превезуваат на бродот на невладините организации на државата што го вее нивното знаме“, изјави Џорџа Мелони на маргините на самитот на медитеранските земји од Европската унија во Малта .
Според информациите што ги пренесоа италијанските медиуми, италијанскиот амандман бил отфрлен од министрите за внатрешни работи кои во четвртокот се сретнаа зад затворени врати во Брисел.
Рим му замерува на Берлин што финансира неколку хуманитарни невладини организации во Медитеранот, од кои некои работат под германско знаме.
Регион
Рама по реакциите за испраќање на КФОР на северот на Косово: „Болно е политичари од лажни профили да манипулираат“

Албанскиот премиер Еди Рама изјави дека КФОР е мисија на НАТО Алијансата, а не окупаторска сила на Србија, нагласувајќи дека реакциите на неговата изјава дека КФОР мора да ја преземе контролата врз северот се болни и смешни.
Рама во долга објава на социјалните мрежи изјави дека Владата на Албанија комуницирала со највисоките нивоа на Евроатлантската алијанса за да ја гарантира безбедноста на северот на Косово.
„Како дел од поддршката на Албанија за гарантирање на безбедноста на северот на Косово и преземање контрола од КФОР, во оваа фаза кога постои алармантен ризик од ескалација на конфликтот, комунициравме на највисоко ниво на евроатлантската алијанса и изразивме максимум готовност. Од друга страна, на сојузниците им ги пренесовме причините за нашето несогласување со последното соопштение на ЕУ, продолжувајќи да го бараме нивниот јасен став, во врска со вооружената криминална група која го уби косовскиот полицаец и по повод Денот на жалост во Белград“, напиша Рама на социјалната мрежа „Икс“.
Премиерот на Албанија ги потсети „оние во Приштина кои, како што рече, имаат време да користат лажни Фејсбук профили дека КФОР е НАТО, пренесува „Косово онлајн“.
„Потсетувам: КФОР е НАТО и не е окупаторска сила во име на Србија, ниту сила која ја дели територијата на Косово, туку напротив, многу голема гаранција во секој случај на закани!“, напиша Рама.
Тој рече дека такво барање испратила и претседателката на Косово, Вјоса Османи.
„Вчера јасно кажав дека ова барање е дадено од претседателката Османи и дополнително објаснив дека ова што го барам денеска нема никаква врска со она што го изразив пред неколку месеци, како страв дека тоа може да се случи доколку ситуацијата се влоши во отсуство на резултати од дијалогот. Бидејќи, како што објаснив вчера, „сè уште не сме таму“ и за да не одиме утре таму, КФОР мора што поскоро да ја преземе контролата врз северот“, напиша тој.
Рама нагласи дека сите го знаат фактот дека во секој случај и за секоја нова оперативна потреба на територијата на Косово, КФОР ги координира своите акции со државните власти на Косово и со безбедносните сили на Косово и затоа е болно колку што е и смешно што и во оваа многу сериозна ситуација за безбедноста на северот на Косово, политичари од јавни или лажни профили во Приштина се впуштаат во такви ниски манипулации со емоциите на своите граѓани, намерно искривувајќи ги неговите ставови.
Претходно денес и претседателот на Србија, Александар Вучиќ, рече дека е потребна посилна улога на КФОР, особено на северот на Косово и дека не му пречи што КФОР го зголемува бројот на војници таму.
„НАТО не ни пречи, нека праќаат, така помалку Курти ќе дивее“, рече тој.
Регион
НАТО испраќа нови сили во Косово

НАТО објави дека одобри дополнителни сили за решавање на актуелната ситуација во Косово, но не го прецизираше бројот и не кажа од кои земји.
Судирите избија минатиот викенд меѓу полицијата и вооружените Срби.
Косовската претседателка Вјоса Османи ги обвини Србија и нејзиниот претседател Александар Вучиќ дека се одговорни за нападот врз косовската полиција на северот од земјата, велејќи во интервју за „Ројтерс“ во четвртокот дека Косово е „нападнaто“.
Триесетина вооружени Срби во неделата ја нападнаа косовската полиција во селото Бањска, по што се забарикадираа во манастир на Српската православна црква.
Загинаа тројца Срби и еден косовски полицаец, а досега три лица се обвинети за учество во нападот.
Србија, која не ја признава независноста на својата поранешна покраина, го обвинува Косово за поттикнување на насилството преку малтретирање на етничките Срби.