Во Словенија, кај Кредарица, тамошната највисоко позиционирана метеоролошка станица, денеска се измерени 70 сантиметри снег.

Кредарица се наоѓа на 2.514 метри надморска височина, и иако се приближува летото, овој планински врв е покриен со снег.

Снег таму имаше и во мај.

Најмногу снег во јуни бил измерен на 1 јуни 1978 година – дури 422 сантиметри. Нешто помалку, 415 сентиметри биле измерени на 1 јуни 1984 година.

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува збор за тероризам.

Камовиќ (21) најпрво избодел полицаец, кој бил испратен да спречи грабеж на продавница за време на протестите за убиството на Џорџ Флојд, а потоа ранил двајца други со огнено оружје, ги пренесува податоците од полицијата, „Њујорк пост“. Полицијата исто така истражува дали овој напад има врска со тероризам, се додава во извештајот на њујоршкиот весник.

NYPD saying 21 year-old Camovic Dzenan is behind a knife attack and shooting that left three officers injured late Wednesday. One of the officers was stabbed in the neck. Two others shot in the hand. The officers are stable. Dzenan was shot and is in critical condition. @ABC7NY pic.twitter.com/Lnva9kSdKD

— Candace McCowan (@CandaceMcCowan7) June 4, 2020

Пред да ги повреди полицајците, Камовиќ на социјалните мрежи пишувал статуси против полицијата, а неименуван висок полициски службеник за „Њујорк пост“ изјавил дека семејството на Камовиќ има врска со тероризам.

Извори на американскиот весник наведуваат дека самиот Камовиќ не бил познат како личност поврзана со тероризам, но дека бил во контакт со луѓе што се.

Одредот за борба против тероризам на ФБИ, исто така, се приклучил на истрагата. Тие биле на местото на злосторството на Чрч авенју, а направиле и претрес на станот на Камовиќ на улицата 22 Ист.

Камовиќ нема криминално досие и е осомничен дека прободел полицаец во вратот. На помош притрчале други двајца полицајци, од кои едниот извадил пиштол. Камовиќ се обидел да го украде оружјето, кое пукнало и ранило двајца полицајци, еден во рака, а друг во дланката.

Други полицајци го застрелале напаѓачот, кој е во критична состојба во болница, додека полицајците не се во опасност.

Протестите за бруталното полициско убиство на Афроамериканецот Џeорџ Флојд траат веќе десетти ден, а полицијата синоќа повторно употреби прекумерна сила во градот Бафало, во сојузната држава Њујорк.

Двајца полицајци со палките турнаа постар демонстрант кој падна на глава, а потоа преминаа над него.

„Ројтерс“ пренесува дека на видеото направено од локална радиостаница се слуша звук на крцкање, сличен на кршење на коски, а потоа се видело и дека соборениот демонстрант крвави од пределот на главата.

Потоа се глада како полицискиот кордон продолжува да се движи, а полицаецот кој го удри демонстрантот заканувачки се наведнува над него, сè додека еден колега не го повлече за рака за да продолкжи понатаму.

Исто така се слуша како некој бара брза помош, а локалното радио во својот извештај потврдува дека во меѓувреме пристигнало амбулантно возило, додека здравствените власти подоцна објавиле дека повредениот е 75-годишник кој е во стабилна состојба.

Двајца полицајци се суспендирани без надомест.