Свет
(Видео) Кина ќе им подели примероци од Месечината на повеќе држави

Врз основа на меѓународна конвенција, Кина ќе сподели со другите земји податоци и примероци од Месечината собрани во мисијата Чанг-5 (Chang’e 5), иако таквата размена со САД може да биде спречена од американските ограничувања.
Капсулата слета во северната провинција Внатрешна Монголија рано утрово и ги донесе првите примероци од карпи и почва од Месечината по 70-тите години.
Материјалот донесен со капсулата Чанг-5, именуван по митската кинеска божица на Месечината, треба да им помогне на научниците да дознаат повеќе за настанокот на Месечината, нејзиното формирање и вулканската активност на нејзината површина.
Со оваа мисија, Кина стана третата земја што собрала примероци од Месечината, по Соединетите Држави и Советскиот Сојуз во 60-тите и 70-тите години на минатиот век. Ова беше прв ваков обид по мисијата „Луна 24“ на Советскиот Сојуз, која беше успешно завршена во 1976 година.
„Во согласност со Меѓународната конвенција за соработка и договорите за мултилатерална и билатерална соработка, ќе донесеме регулативи за управување со податоци и примероци од Месечината“, рече Ву Јанхуа, заменик во Национална вселенска управа на Кина.
„Така ќе ги споделиме со релевантни држави и научници, а некои од нив може да бидат и донирани во согласност со меѓународната пракса“, додаде тој.
Со мисијата „Чанг 5“, Кина прва лансираше вселенско летало од друго небеско тело и ја тестираше способноста да собира далечни примероци од вселената како подготовка за посложени мисии за истражување на Сончевиот Систем.
Мисијата „Чанг-5“ беше лансирана на крајот на ноември, а двата модула се спуштиле на Месечината на 1 декември, при што собрале примероци од површината и од внатрешноста, правејќи дупка од два метра, под Месечевата кора. Не се знае точно колкаво количество материјал е собрано, а примероците биле складирани во запечатен контејнер и однесени до модул во орбитата кој ги донел на Земјата.
На прашањето дали Кина е подготвена да сподели примероци со САД, кои ја ограничуваат сопствената вселенска агенција НАСА на директна соработка со Кина, Ву рече дека, за жал, има пречки.
„Кинеската влада сака да сподели примероци од Месечината со институции и научници од разни земји, но соработката со Соединетите Држави зависи од американската политика“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Естонија ја доби првата премиерка

Двете најголеми политички партии во Естонија денеска постигнаа договор за новата влада предводена од Каја Калас, првата премиерка во историјата на балтичката земја.
Претходната влада падна минатата недела поради корупциски скандал.
Лидерите на опозициската Партија за реформи, Каја Калас (43), и на партијата на поранешниот премиер Јури Ратас, денеска гласаа за формирање коалициска влада. Според договорот, двете партии ќе имаат по седум министерства во владата со 15 члена, вклучувајќи го и премиерот Калас.
Каја Калас е ќерка на еден од основачите на Партијата за реформи, Сим Калас, адвокат и поранешен член на Европскиот парламент.
Свет
Четворица министри во владата на Зимбабве починаа од коронавирус

Четворица министри во Владата на Зимбабве починаа од коронавирус, од кои тројца во последните две недели, што укажува на нагло ширење на инфекцијата во таа јужноафриканска земја.
Покрај тројцата министри, неодамна починаа уште неколку познати политичари и јавни личности.
Опозицијата ја обвинува владата дека ја користи пандемијата како оружје со апсење на нејзини членови и други критичари и нивно чување во преполни затвори каде инфекцијата лесно се пренесува.
Критичарите, исто така, ја обвинуваат владата за занемарување на јавните болници, каде што многу заразени со вирусот не можат да го добијат потребниот кислород за да преживеат.
Многу членови на елитата се лекуваат на скапи приватни клиники или во странство.
Претседателот на Зимбабве, Емерсон Мнангагва, изјави дека владата сè уште размислува која вакцина да ја купи.
Зимбабве, како и многу други африкански земји, првично имаше малку регистрирани инфекции, но неодамна имаше скок на бројот на заразени.
Многумина стравуваат дека новиот вид коронавирус, кој се шири многу побрзо, влегол во земјата кога десетици илјади нејзини граѓани се вратиле дома за празниците од Јужна Африка, каде што живеат и работат.
Зимбабве, земја со 15 милиони жители, досега има пријавено 31.000 заболени и 974 смртни случаи од коронавирус, додека на почетокот на декември имало околу 10.000 заразени.
Регион
Во Словенија потврден новиот вид на коронавирус

Словенечкиот премиер, Јанез Јанша, на вонредна прес-конференција, објави дека во земјата е потврден првиот случај на инфекција со англискиот вид на коронавирус. Станува збор за косовски државјанин кој престојува во Словенија, а кој се вратил од Белгија.
Јанша рече дека поради можноста во Словенија да има поголем број на случаи на т.н. англиски вид коронавирус, словенечката влада ќе ги преиспита одлуките за олеснување на мерките следната недела.
Словенечкиот премиер кажа дека веќе започнало преиспитување на стотици луѓе со позитивен тест за коронавирус во сите словенечки региони, со цел да се утврди дали станува збор за англискиот вид.
„Некои наоди беа позитивни“, рече Јанша, но ги негираше извештаите во некои медиуми дека веќе биле потврдени десетина вакви случаи.
„Податоците за состојбата со епидемијата од последните три дена не влеваат оптимизам“, рече Јанша, додавајќи дека состојбата со бројот на новоинфицирани во неколку региони е влошена.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот