Свет
(Видео) Мароко пргласи тридневна жалост: Маракеш срамнет со земја, семејства под урнатините, болниците полни
Мароко прогласи тридневна национална жалост по разорниот земјотрес во којшто загинаа повеќе од илјада луѓе.
Националните знамиња ќе бидат на половина копје во текот на целиот период на жалост, се вели во соопштението на кралската палата, еден ден по земјотресот со јачина од 6,8 степени според Рихтер, пренесе Ројтерс.
Вооружените сили ќе распоредат спасувачки тимови за да обезбедат вода за пиење, храна, шатори и ќебиња во погодените области, се вели во соопштението.
Најголем дел од штетите и жртвите се во тешко достапни планински области, а повредените се пренесени во болници на лекување, пренесе „АП“.
Fortissima scossa di terremoto in #Marocco 🇲🇦
Marrakech risulta attualmente al buio. Le prime immagini mostrano muri crollati e danni nella medina, persone in fuga e crepe anche in alcune strade; vistose crepe si sono aperte anche nella parte nuova della città. pic.twitter.com/fdUBkD6BT6— Luigi Basemi 🏅 (@LBasemi) September 9, 2023
Повеќе од 300.000 луѓе беа погодени од синоќешниот земјотрес, соопшти Канцеларијата на ОН за координација на хуманитарни прашања (OCHA). Организацијата додаде дека „внимателно ја следи ситуацијата“ и дека тимот распоредува поддршка за своите партнери во Мароко.
„Владините власти ги предводат напорите за одговор, вклучително пребарување и спасување и медицинска поддршка, вклучително и мароканската Црвена полумесечина“, се додава во соопштението.
Првите извештаи на Светската здравствена организација (СЗО) покажуваат дека повеќе од 300.000 цивили во Маракеш и неговите предградија биле погодени од земјотресот.
Многу семејства сè уште се заробени под купишта урнатини, а болниците во градот примија голем број повредени лица, додава OCHA. Обединетите нации се во „постојана комуникација“ со локалните власти и во тек се консултации за да се идентификуваат областите каде што ОН и нивните партнери можат да обезбедат поддршка во наредните часови и денови, се вели во соопштението.
Рурален град во Мароко е уништен во синоќешниот земјотрес. Адасил во провинцијата Чичау во регионот Маракеш-Сафи претрпе значително уништување, при што неколку згради се урнаа.
Земјотресот се случи во планинскиот венец во Мароко, нешто по 23 часот во петокот по локално време, на релативно мала длабочина од 18,5 километри, со епицентар на 72 километри југозападно од Маракеш.
Бројот на загинати во земјотресот се искачи на 1.037, а повредени се уште најмалку 1.200 луѓе, јави Асошиејтед прес.
Соопштено е дека најголема штета и загинатите има во тешко достапни планински области, а повредените се пренесени на лекување во болници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сали и Бегај разговараа за политичката состојба и европската интеграција на двете земји
Првиот заменик‑претседател на Владата, Беким Сали, оствари официјална средба со Претседателот на Република Албанија, Бајрам Бегај, на која се дискутираше за актуелната политичка ситуација и за соработката помеѓу двете земји.
За време на средбата, двете страни разменуваа мислења за политичките случувања и за продлабочувањето на институционалната соработка помеѓу Северна Македонија и Албанија.
Првиот заменик‑претседател на Владата, Сали, истакна дека Албанците во Северна Македонија се претставени на најдобар можен начин, играјќи активна и конструктивна улога во државните институции, придонесувајќи во донесувањето одлуки и во клучните процеси кои се поврзани со стабилноста, демократскиот развој и европската перспектива на земјата.
На средбата беше нагласено дека Република Северна Македонија и Република Албанија, покрај тоа што се соседни и пријателски земји, имаат и заеднички аспирации во процесот на европска интеграција.
Свет
Две жртви во трамвајската несреќа во Милано, истрагата насочена кон возачот
Во тешка несреќа во Милано загинаа две лица, а 39 се повредени откако трамвај излета од шините и удри во зграда на улицата „Виале Виторио Венето“, во близина на „Порта Венеција“.
Една од жртвите е 60-годишен пешак кој останал приклештен под возилото, додека вториот загинат е патник кој починал во болница од здобиените повреди.
Истрагата е насочена кон возачот, кој наводно изјавил дека му се слошило непосредно пред несреќата. Се проверува можноста за ненадејна здравствена состојба, особено затоа што трамвајот ја прескокнал последната станица пред свиокот. Првичните проверки не покажале технички дефект.
Градоначалникот на Милано, Џузепе Сала, изјави дека најверојатно причината не е механички проблем и дека станува збор за ново возило управувано од искусен возач. Отворена е истрага.
Несреќата предизвика реакции од италијанските власти, кои изразија сочувство и најавија целосно утврдување на околностите.
(Видео) Трамвај излета од шините во Милано: загина пешак, речиси 40 повредени
Свет
Бил Клинтон сведочеше за Епстин: Ништо не видов и не направив ништо погрешно
Поранешниот американски претседател Бил Клинтон сведочеше пред Одборот за надзор на Претставничкиот дом во рамки на истрагата за починатиот финансиер и осуден сексуален престапник Џефри Епстин.
Во воведното обраќање, Клинтон изјави дека ништо не видел и дека не направил ништо погрешно, нагласувајќи дека неговото познанство со Епштајн било кратко и завршило години пред злосторствата да станат јавни.
„Знам што видов и, уште поважно, што не видов. Знам што направив и, уште поважно, што не направив. Не видов ништо и не направив ништо погрешно“, рече Клинтон. Тој најави дека на дел од прашањата веројатно ќе одговори со „не се сеќавам“, бидејќи од неговите контакти со Епстин поминале повеќе од 20 години.
Сведочењето се одржува зад затворени врати во Њујорк, но се снима и најавено е објавување на снимката. Претходно сведочеше и неговата сопруга Хилари Клинтон, при што расправата меѓу демократите и републиканците доби и политичка димензија.
Демократите побараа и актуелниот претседател Доналд Трамп да сведочи, тврдејќи дека неговото име често се појавува во документите поврзани со случајот. Трамп негира каква било поврзаност со злосторствата на Епштајн.
Фото: Depositphotos

