Свет
(Видео) На пропалестински митинзи на БЛМ во САД повикуваат на „смрт за Израел, смрт за Америка“
На пропалестинските митинзи на „Блек лајвс медр“ во Њјорк и во Вашингтон се слушнаа скандирања кои повикуваат на „Смрт за Израел“, „Смрт за Америка“ и „Од Газа до Минесота, глобализирај ја Интифада!“, пренесува Истражувачкиот институт за блискоусточни медиуми (МЕМРИ).
Неколку стотици демонстранти присуствуваа на демонстрациите на 1 јули во Бруклин, наречени „Ден на бесот“, и организирани да се совпаднат со најраниот датум кога Израел би можел да ги почне своите планови за примена наизраелскиот закон врз делови од Западниот Брег и долината на Јордан.
Говорниците излегоа со потпалувачки повици кои одеа во спектарот од антисемитски и антиамерикански до едноставно апсурдни. Еден активист за Северна Кореја повика на крај на САД и нејзините марионетски влади, ослободување на Палестина“ и обединување на двете Кореи.
Имаше повеќе обиди да се поврзе пропалестинската кауза со „Блек лајв медр“. Деки Киони Садики, сопруга на поранешниот „црн пантер“, Секу Одинга, рече:
„Европските Евреи, кои окупираат, колат и продолжуваат да ги носат милиони Палестинци на нивните полиња на смртта, наречени бегалски и концентрациони логори, се роднини на Европејците што киднапираа, заклаа и принудија милиони Африканци и домородци на ропство“.
1/2 At Brooklyn “No to Annexation” Rally, Speakers Call to Abolish Police, Israel, and U.S. Government, Crowd Chants: “Death to America!”, “Millions of Martyrs Are Marching to Jerusalem!”; Activist: When a Precinct or a Cop Car Burns, It Feels Closer to Palestine pic.twitter.com/OQUnGtV5jS
— MEMRI (@MEMRIReports) July 2, 2020
Повиците за укинување на полицијата беа проследени со повици да се елиминира ционистичката држава Израел. Говорниците и организаторите јасно ставија до знаење дека не се заинтересирани Израел да постигне мировен договор со Палестинците. Наместо тоа, тие рекоа дека Палестинците ја заслужуваат целата земја.
2/2 At Brooklyn “No to Annexation” Rally, Speakers Call to Abolish Police, Israel, and U.S. Government, Crowd Chants: “Death to America!”, “Millions of Martyrs Are Marching to Jerusalem!”; Activist: When a Precinct or a Cop Car Burns, It Feels Closer to Palestine pic.twitter.com/WL4tU5Riu0
— MEMRI (@MEMRIReports) July 2, 2020
„Земјата на која постои Израел е сè уште украдена. Териториите од 1948 година се сè уште украдени – Јафа, Хаифа, Тел Авив беа украдени. Не сакаме само да се вратиме во нашите домови во Газа и на Западниот Брег. Го сакаме сето тоа. Не сакаме лажна палестинска држава што тие ни ја даваат додека Израел сè уште постои“, рече активистот Нердина Кисвани, еден од организаторите.
Еден говорник, познат како Роб, од Партијата за социјализам и ослободување, во говорот на арапски јазик извика: „Смрт за Америка!“, „Смрт за Израел!“ Во меѓувреме демонстрантите на посебен марш за „Денот на бес“ во Вашингтон извикуваа: „Израел, те познаваме, и ти убиваш деца“.
Palestine March in Brooklyn,, it’ll always be Free Palestine ??? pic.twitter.com/vdLcNtumcn
— BLM || ز (@okokalrightZain) July 2, 2020
Еден од организаторите на маршот и студент на „Харвард“, Кристијан Табаш, прочита песна за наводните злосторства на Израел врз палестинските муслимани, пренесе „Вашингтон егзаминер. Песната, наречена „Г. Војна“ – очигледна алузија за израелскиот премиер Бенјамин Нетанјаху – го содржи стихот „Проколнете ги корумпираните во Сион!“ и го нарече Израел марионетски господар на континентите.
И Табаш неколкупати паузираше во текот на маршот за да ги потсети демонстрантите дека палестинското движење е суштински врзано за „Блек лајвс медр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Зохран Мамдани е избран за градоначалник на Њујорк
Демократот Зохран Мамдани, кој се опиша себеси како „најлошиот кошмар на Трамп“, е избран за нов градоначалник на Њујорк.
Мамдани ќе биде првиот муслиман, првиот јужноазиец и најмладиот човек во последните 100 години избран за градоначалник на Њујорк. Повеќе од два милиони луѓе гласаа на општите избори оваа година, според Изборниот одбор на градот Њујорк. Во 2021 година, излезноста беше нешто помалку од 1,15 милиони.
Првата реакција од демократите дојде на социјалните медиуми додека гласовите сè уште се пребројуваа.
„Срушивме политичка династија“
Излегувајќи на сцената во Бруклин по 23:45 часот по локално време, Мамдани рече: „Сонцето можеби зајде вечерва на нашиот град, но како што еднаш рече Јуџин Дебс, „Ја гледам зората на подобар ден за човештвото“.
„Вечерва, и покрај сите очекувања, добивме. Иднината е во наши раце. Мои пријатели, соборивме политичка династија. Му посакувам на Ендру Куомо само најдобро во неговиот личен живот, но нека вечерва биде последен пат кога ќе го изговорам неговото име додека ја вртиме страницата на политиката што ги напушта многумина и им служи само на малкумина“, додаде тој.
Тој им се заблагодари на „следната генерација њујорчани“, додавајќи: „Ќе се бориме за вас, затоа што ние сме вие“. „Победивме затоа што њујорчаните си дозволија да се надеваат дека невозможното може да се постигне“, рече тој.
Тој ја повтори својата програма, вклучувајќи „брзи и бесплатни“ автобуси, замрзнување на кириите за некои станови и државни продавници за храна, а потоа го нападна американскиот претседател Доналд Трамп.
„Ако некој може да ѝ покаже на нацијата која Доналд Трамп ја издаде како е да се победи, тоа е градот што го роди. Ова не е начинот на кој го запираме само Трамп. Ова е начинот на кој го запираме и следниот“, нагласи тој.
фото: принтскрин
Регион
(Видео) Ужасни детали од трагедијата во Тузла: Пожарот го зафати катот со лицата со попреченост, се задушија
Десет лица загинаа во трагичен пожар што избувна во дом за стари лица во Тузла. Пожарот се прошири на седмиот кат од зградата каде што беа сместени луѓето со попреченост во домот, објавува Кликс.ба.
Луѓето со попреченост не можеа да избегаат
Според неофицијални информации, смртта на жртвите најверојатно се случила поради задушување. Големиот пожар се проширил на седмиот кат од зградата на домот за стари лица, каде што се наоѓале станови со лица со попреченост.
Петмина хоспитализирани, двајца во критична состојба
Според официјалните податоци од Универзитетскиот клинички центар во Тузла, пет лица се хоспитализирани по пожарот, а две од нив се на одделението за интензивна нега.
Кантоналната полиција извести дека пожарот е ставен под контрола во 22 часот. Точната причина за пожарот ќе се утврди со истрага.
фото: принтскрин
Регион
(Видео) Трагедија во Тузла: 10 луѓе загинаа во дом за стари лица
Најмалку десет лица загинаа во катастрофален пожар што избувна вчера вечер во дом за стари лица во Тузла. Најмалку пет лица беа примени во болница во Тузла во текот на вечерта.
Пожарот се проширил на седмиот кат од зградата каде што биле сместени лицата со попреченост во Домот за стари лица, пренесува Кликс.
Според неофицијални информации, жртвите најверојатно починале од задушување.
Министерството за внатрешни работи на Тузланскиот кантон потврди дека сите расположиви екипи се испратени на местото на настанот. Пожарникарите сè уште го гаснат пожарот. Тој беше локализиран околу 22 часот, потврди Полициската управа на Министерството за внатрешни работи на Тузланскиот кантон.
Лекарите ги лекуваат повредените. Меѓу примените во Универзитетскиот клинички центар во Тузла, повеќето се оние кои биле отруени со јаглерод моноксид.
Амбулантни возила постојано пристигнуваа во болницата.
Причината за пожарот сè уште не е позната.
Пожарот избувнал на еден од катовите што се наоѓа на горниот дел од зградата, што го отежнало гаснењето на пожарот.
Министерството за внатрешни работи на кантонот Тузла ги предупреди граѓаните да не се приближуваат до зградата, да дозволат премин и работа на екипите за итни случаи и да ги следат упатствата на полициските службеници на терен.
Пожарникарите од Јавната противпожарна служба на Тузла се на местото на настанот, а повикани се и екипи од Сребреник, Живинице, Лукавац и Калесија. Испратени се и служби за итни случаи од неколку општини во кантонот Тузла.
фото: принтскрин

