Бaрбадос се подготвува да ги прекине врските со британската монархија, но наследството од понекогаш бруталното колонијално минато и влијанието на пандемијата врз туризмот се големи предизвици за карипскиот остров, кој ќе стане најновата република во светот.

Познат по плажите и љубовта кон крикетот, Барбадос оваа недела ќе ја замени кралицата Елизабета Втора со нејзиниот сегашен претставник, генералната гувернерка Сандра Мејсон.

Церемониите од понеделник вклучуваат воени паради и прослави по повод претседателската инаугурација на Сандра Мејсон.

„Вистинските синџири на ропството се скршени и ние повеќе не ги носиме, но менталните синџири сè уште преживуваат“

Почетокот на новата ера предизвика дебата меѓу населението од 285.000 луѓе за вековното британско влијание, вклучително и повеќе од 200-годишното ропство до 1834 година. Барбадос ја стекна својата конечна независност во 1966 година.

„Како млада девојка, кога ќе слушнав за кралицата, бев многу возбудена“, рече 50-годишната Шерон Белами-Томпсон, продавач на риби во главниот град Бриџтаун, која се сеќава дека имала околу осум години кога ја видела кралицата во посета.

„Како што растев, почнав да се прашувам што всушност значи оваа кралица за мене и за мојата земја. Немаше никаква смисла“, рече таа. „Ќе биде прекрасно да се има претседател на Барбадос.

За младите активисти како што е Фирхаана Булбулија, основач на Муслиманското здружение на Барбадос, британскиот колонијализам и ропството се причина за современата нееднаквост на островот.

„Јазот во богатството, способноста да се поседува земјиште, па дури и пристапот до банкарски заеми, сите имаат многу врска со структурите изградени под британско владеење“, рече 26-годишната Булбулија.

„Вистинските синџири (на ропството) се скршени и ние повеќе не ги носиме, но менталните синџири сè уште опстојуваат во нашето размислување“, истакна таа.

Првата претседателка

Во октомври, Барбадос ја избра Мејсон за свој прв претседател, една година откако премиерката Миа Мотли рече дека земјата целосно ќе го напушти своето колонијално минато.

Но, некои во земјата тврдат дека има поитни национални проблеми, вклучително и економските превирања предизвикани од пандемијата на Ковид-19, која ја разоткри преголемата зависност од туризмот, што, иронично, зависи од британските посетители.

Крајот на владеењето на кралицата некои го гледаат како неопходен чекор кон добивање компензација за решавање на историските последици од користењето на робовите донесени од Африка за да работат на плантажите за шеќер.

Меѓународната асоцијација за промоција на правична вакцинација во светот, ГАВИ, оцени дека појавата на новиот сој на коронавирусот-омикрон укажува на недостатокот на вакцини во многу делови од светот.

Првиот човек на ГАВИ, Сет Беркли, во Женева рече дека сè додека голем дел од светската популација е невакцинирана, вирусот може да мутира, продолжувајќи ја пандемијата.

„Ќе можеме да спречиме појава на варијанти само ако ги заштитиме сите во светот, не само богатите“, додаде тој.

Омикрон првпат беше откриен овој месец во Јужна Африка, каде стапката на целосно вакцинирани возрасни е помала од 36 проценти. За споредба, во Европската унија стапката на целосно вакцинирани е 77 отсто од возрасната популација.

Новата Омикрон варијанта на коронавирусот предизвикува блага клиничка слика и нема изразени симптоми, изјави за Спутник, Анжелик Кучи, претседателка на медицинското здружение во Јужна Африка.

СЗО во петокот објави дека новиот вид, кој е откриен во Јужна Африка, има 32 мутации, што го прави многу заразен и опасен. Наречен е „омикрон“ по 15-тата буква од грчката азбука.

– Предизвикува блага клиничка слика со симптоми како болки во мускулите и замор кои траат ден-два, по што луѓето се чувствуваат добро. Досега откривме дека заразените не го губат чувството за вкус и мирис. Некои имаат блага кашлица. Неколку од заразените се и на домашно лекување, рече Кучи.

Таа додаде дека болниците не биле пребукирани, како и дека кај вакцинираните пациенти нема заразени со новиот сој, а каква ќе биде состојбата со невакцинираните, според неа, ќе се знае за недела-две.

– Вирусот се пренесува, но засега ниту ние ниту лекарите не знаеме зошто сите се толку исплашени, бидејќи сè уште е во фаза на истражување. За неколку недели ќе знаеме каква е вистинската состојба, повеќето од заразените се луѓе на возраст од 40 години и помлади – рече таа, пренесува Times of India.

Кучи остро ги критикува одлуките на некои земји за забрана на летови од Јужна Африка, особено затоа што одлуката е прерана и нема информации колку е опасна.

По објавувањето на веста за новиот вид на коронавирусот, САД, ЕУ, Канада, Израел, Австралија и други земји го ограничија патувањето од неколку јужноафрикански земји, а како причина ја наведоа заштитата на јавното здравје.