Свет
(Видео) Необичен триаголен авион снимен во Кина
Во последните денови, глобалната воздухопловна заедница, како и одговорните за безбедноста, беа изненадени од видеата од кинеската провинција Ченгду. На нив е прикажан голем и досега непознат воен авион со триаголен облик кој лета речиси без звук, пренесува Ал Џезира.
Иако снимките прво се појавија на кинеските социјални мрежи, а малку подоцна и на западните, јасно е дека всушност Пекинг официјално дозволи снимките да се шират како јавна порака до Западот, пред се до Вашингтон.
Самиот авион најверојатно е продолжение на развојот на кинеските таканаречени стелт ловци – бомбардери со намалена радарска видливост, како што е веќе познатиот Shenyang J-35A. Експертите наведуваат дека новиот авион би можел дури и да има способност да лета во стратосферата на Земјата, на височини од повеќе од педесет илјади метри.
Она што може да се види од неколку кратки видеа е дека новиот авион нема вертикална опашка за стабилизација на летот и има интегрирано лежиште за оружје во внатрешноста на трупот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Голем дел од иранското раководство „исчезна“ во американските напади
Американскиот претседател Доналд Трамп изјави дека „голем дел“ од иранското раководство „исчезна“ во американските напади и дека земјата е „многу оштетена“.
Во телефонско интервју за ABC News, Трамп рече: „Не знаеме сè, но знаеме дека многу од нив се исчезнати“. Тој додаде дека Соединетите Држави имаат „многу добра претстава“ за тоа кои ќе бидат новите лидери на Иран.
Во посебно интервју за NBC, кога беше прашан кој би можел да го наследи врховниот лидер на Иран, Али Хамнеи, Трамп одговори: „Не знам, но во еден момент ќе ме повикаат и ќе ме прашаат кого сакам“.
Сепак, тој веднаш појасни дека изјавата е саркастична. „Само сум малку саркастичен кога го кажувам тоа“, додаде тој.
Свет
(Видео) Американците објавија снимки од операцијата „Епски гнев“: „За прв пат употребивме ново оружје“
Централната команда на САД (CENTCOM) објави дека нема извештаи за американски жртви или повредени по нападот во Иран и дека операциите не се загрозени. Штетата врз американските објекти е минимална, соопшти CENTCOM на социјалните медиуми.
„По почетниот бран напади на САД и партнерите, силите на CENTCOM успешно се одбранија од стотици ирански ракети и дронови. Нема извештаи за американски жртви или повредени во борба. Штетата врз американските објекти беше минимална и не влијаеше врз операциите“, се вели во соопштението.
NEW: CENTCOM releases footage of Operation Epic Fury. pic.twitter.com/ki4fF0o7do
— Clash Report (@clashreport) February 28, 2026
Нападите беа извршени како дел од операцијата „Епски гнев“ (Epic Fury). Беа користени „прецизна муниција лансирана од воздух, копно и море“ и „евтини еднонасочни дронови за напад“, се додава во соопштението на Централната команда.
Американската војска за прв пат користеше еднонасочни напаѓачки дронови за време на нападите врз Иран во саботата.
„Во првите часови од операцијата беше користена прецизно водечка муниција лансирана од воздух, копно и море“, се вели во соопштението на ЦЕНТКОМ. „Покрај тоа, групата за напад „Task Force Scorpion Strike“ на CENTCOM за прв пат во борба употреби евтини еднонасочни напаѓачки дронови“
Беспилотните летала што ги користат се со обратен инженеринг од иранскиот дрон „Шахед“, кој беше запленет од американските сили пред неколку години.
Свет
Иран ги демантира извештаите за смртта на ајатолахот
Ирански извори остро негираа дека ајатолахот Али Хамнеи е убиен.
„Можам да ве уверам дека лидерот на револуцијата е стабилен и има цврста команда на терен“, изјави извор на иранските државни медиуми близок до канцеларијата на Хамнеи.
„Непријателот посегнува по ментална војна, сите треба да бидат свесни“, рече раководителот на односите со јавноста во канцеларијата на иранскиот врховен лидер.
Ајатолахот не се огласил ниту бил виден во јавноста откако започнал нападот.
We obtained the first known satellite image of Ayatollah Ali Khamenei's compound in Tehran. There are several destroyed buildings. While the current whereabouts of Iran's supreme leader are unknown, the compound is generally used as his official residence. 🛰️📸: @Airbus pic.twitter.com/48krjclMBL
— Christiaan Triebert (@trbrtc) February 28, 2026
Уништена резиденцијата на Врховниот лидер
Иранската новинска агенција Тасним утрово објави дека седум ракети погодиле област во близина на претседателската палата и комплексот на Врховниот лидер во Техеран. Сателитските снимки покажаа дека резиденцијата на ајатолахот е целосно уништена во нападот.

