Италија досега целосно вакцинираше 60 проценти од своето население постаро од 12 години. Тоа значи дека 32,4 милиони луѓе ги примиле двете дози на вакцината против коронавирус, изјави специјалниот комесар за коронавирус Франческо Филиуоло.

Иалија сака да вакцинира 80 проценти од населението до крајот на септември со цел да се здобие со т.н колективен имунитет.

Илјадници луѓе повторно учествуваа на протестите во текот на викендот во Италија против претстојните мерки за коронавирус што треба да стапат на сила другата недела.

Од 6 август, луѓето што сакаат да јадат во ресторан или да одат во музеј, на пример, ќе треба да покажат доказ за барем една примена доза вакцина против коронавирус, потврда дека имале коронавирус или негативен тест.

Денеска во Берлин се одржа протест против ограничувањата воведени во борбата против пандемијата, а како што јавија локалните медиуми, дошло до судири меѓу демонстрантите и полицијата.

This is epic.. police attempt to stop protesters from gathering in Berlin. Thousands pass their checkpoints. pic.twitter.com/5O23qrPeck

— Pelham_3 (@Resist_03) August 1, 2021

Учесниците повикаа на „слобода и обновување на основните човекови права“.

Претходно, илјадници луѓе излегоа на улиците на германската престолнина, а многу од нив се судрија со полицијата во знак на протест против мерките на владата.

Иако ова лето беа олеснети некои ограничувања, Германците и понатаму мора да носат маски на јавни места и да се придржуваат кон другите мерки против пандемијата.

Четиригодишно девојче е пронајдено мртво во автомобил во двор на семејна куќа во БиХ.

Според медиумите, причината за смртта била жешкото време, односно екстремното прегревање. Се уште не е јасно како толку време девојчето било оставено во автомобилот од нејзиното семејство.

Јавното обвинителство на Окружниот Бања Лука соопшти дека телото на детето, родено во Германија, било пронајдено вчера околу 16.30 часот.

Со цел да се утврди точната причина и околностите за смртта на детето, дежурниот обвинител нареди да се изврши обдукција во Институтот за судска медицина на Република Српска и да се преземат сите истражни дејствија и мерки.

Истрагата на лице место ја спроведе дежурниот обвинител на Јавното обвинителство во областа Бања Лука, Синиша Марковиќ, со полицајците на полициската управа во Бања Лука.