Контакт

Свет

(Видео) Полицajците во САД масовно ја напуштаат службата

Објавено пред

По убиството на Џорџ Флојд, американскиот систем е под притисок поради повикот на јавноста за длабоки промени.

Демонстрантите бараат од властите да ги повикаат полициските службеници на одговорност за своите злосторства и да насочуваат помалку средства за нивно финансирање – во надеж дека тие средства би можеле да бидат пренасочени кон други работи.

Многу локални власти реагираа брзо на барањата на јавноста, ветувајќи понатамошни реформи и брза акција во контекст на полициската бруталност.

Сепак, во некои делови на САД, полициските управи се соочуваат со сопствена криза, а некои полицајци одлучиле да ја напуштат службата.

Во Минеаполис, најмалку седум полицајци поднеле оставка поради ситуацијата, а околу десетмина од нив се во процес на заминување, изјави портпаролот за Си-ен-ен.

Во отворено писмо тие ги осудија постапките на Дерек Ковин, полицаецот кој со коленото го притискаше вратот на Џорџ Флојд.

„Дерек Човин не успеа како човек и го лиши Џорџ Флојд од достоинство и живот. Ние не сме такви“, се вели во писмото потпишано од 14 службени лица.

Атланта стана епицентарот на протестите откако во петокот беше убиен Афроамериканецот Рејшард Брукс.

Шефицата на полицијата поднесе оставка, полицискиот службеник кој го уби беше отпуштен од работа, а неговиот помошник доби работа во администрацијата.

Полицајците во Јужна Флорида тврдат дека се загрижени за нивната безбедност и дека се чувствуваат ограничени заради политизацијата на нивното однесување.

Тие тврдат дека се минимално опремени и обучени, а 10 поднеле оставки.

Исто така, тие не се задоволни од фактот што командантите клекнаа на едното колено како поддршка на демонстрантите.

Во Бафало во сојузната држава Њујорк речиси 60 службеници поднесоа оставки. Имено, објавено е видео во кое локалната полиција е фатена како турка постар демонстрант на земја. Полицајците тврдат дека само извршувале наредби.

„57 члена поднесоа оставка поради третманот на двајца членови кои само извршуваа наредби“, изјави официјалниот претставник Џон Еванс за Си-ен-ен.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Грчкиот архиепископ Јероним: Се надевам дека Турција нема да се осмели Аја Софија да ја претвори во џамија

Објавено пред

Архиепископот на Атина и цела Грција, Јероним, изрази надеж дека Турција нема да се осмели Аја Софија, која моментно е музеј, да ја претвори во џамија.

„Тие (Турците) ја играат играта што ја сакаат. Ова е уште една игра. Верувам дека нема да се осмелат”, изјави Јероним за грчката телевизија Mesogeios, пренесува грчкиот портал „Грик сити тајмс“.

Рускиот митрополит Иларион рече дека претворањето на Аја Софија во џамија е неприфатливо и го спореди со враќање во средниот век.

Минатата недела американскиот државен секретар Мајк Помпео побара од Турција да не го стори тоа и истакна дека статусот на Аја Софија како музеј треба да остане непроменет.

Ернесто Отоне Рамирез, помошник генерален директор за култура во УНЕСКО, исто така апелираше до Турција, изјавувајќи дека Конвенцијата за заштитата на светското културно наследство предвидува дека пред да се донесе каква било одлука за промена на статусот на спомениците на културното наследство, како што е Аја Софија, потребна е одлука на соодветна меѓувладина комисија на УНЕСКО.

Прикажи повеќе...

Свет

Поранешен стражар во нацистички логор се соочува со пресуда пред германскиот суд

Објавено пред

Завршните аргументи на обвинителството ќе бидат сослушани денеска на судењето на 93-годишниот поранешен нацистички стражар во концентрационен логор за соучесништво во убиството на повеќе од 5.000 лица за време на Втората светска војна, пренесува „Војс оф Америка“.

Во она што би можело да биде еден од последните вакви случаи на преживеани нацистички чувари, Бруно Деј е обвинет за соучесништво во убиството на 2.230 лица додека работел во логорот „Штутхоф“ во близина на тогашниот Данзиг, сега Гдањск во Полска.

Деј, кој се појави на суд во инвалидска количка, негира дека сноси вина за тоа што се случило во кампот. Неговата одбрана тврди дека тој не им се приклучил на СС доброволно пред да служи во логорот од август 1944 до април 1945 година, а таму бил назначен бидејќи поради проблеми со срцето не можел да биде во првите борбени редови.

Но, обвинителите тврдат дека неговото учество било клучно за убиствата бидејќи периодот додека бил во СС се совпаѓа со наредбата „Конечно решение“ за системско истребување на Евреите преку гасни комори, изгладнување или непружање медицинска нега.

На Деј му се суди на Малолетнички суд затоа што тој во времето на злосторствата имал 17 или 18 години. На неговото сведочење во мај, Деј пред судот изјави дека сака да го заборави времето поминато во кампот.

„Не сакам да се потсетувам на минатото“, рече тој пред трибуналот во Хамбург.

Судијката Ана Мејер-Геринг праша дали Деј разговарал со своите деца и внуци за времето кога бил чувар во „Штутоф“.

„Не сносам никаква вина за тоа што се случи тогаш. Не придонесов ништо за тоа, освен тоа што чував стража. Но бев принуден да го сторам тоа, тоа беше наредба “, рече Деј.

Деј минатата година призна дека бил свесен за гасните комори во кампот и дека видел „прегладнети луѓе, луѓе кои страдале“, но тврдел дека тој не е виновен.

Нацистите го основаа логорот „Штутхоф“ во 1939 година, првично за приведување на полските политички затвореници. Но во него завршија 110.000 затвореници, вклучително и многу Евреи. Околу 65.000 луѓе умреа во кампот.

Деј, кој сега живее во Хамбург, станал пекар по војната. Оженет, татко на две ќерки, тој ги надополнувал своите приходи работејќи како возач на камион, а потоа и на одржување на зградите.

Тој влезе во фокусот на обвинителите по пресудата од 2011 година против поранешниот чувар на логорот „Собибор“, Џон Демјанук, врз основа на тоа дека бил дел од нацистичката машинерија за убивање. Оттогаш, Германија се бори да ги осуди преживеаните припадници на СС по тој основ наместо за убиства или злосторства директно поврзани со обвинетиот.

Демјанук беше осуден за соучесништво во убиството на речиси 30.000 Евреи во логорот „Собибор“. Тој почина чекајќи одговор на неговата жалба. Судот пресуди дека како чувар во кампот, тој автоматски бил вмешан во убиствата извршени во тоа време.

Случајот постави нов правен преседан и предизвика неколку понатамошни пресуди на нацистичките офицери, вклучително и онаа за „книговодителот на Аушвиц“ Оскар Гронинг, кој почина на 96 години, пред да да биде затворен.

Прикажи повеќе...

Свет

Кинескиот амбасадор ги повика кинеските студенти во Британија да ѝ служат на татковината

Објавено пред

Потсетувајќи на реториката на Мао Цедонг за време на Културната револуција, кинескиот амбасадор во Лондон ги повика кинеските студенти кои студираат во Велика Британија да ѝ служат на својата татковина во ек на зголемената загриженост за влијанието на Пекинг врз западните универзитетски кампуси, пренесува „Тајмс“.

Во неодамна откриените коментари дадени за наградата на кинеската влада за извонредни самофинансирани студенти во странство, амбасадорот Лиу Сјаоминг рече: „Се надевам дека ќе продолжите со славната традиција на патриотизам. Се надевам дека секогаш ќе ги живеете личните соништа со стремеж кон Кинескиот сон за национално подмладување. Се надевам дека со она што го научивте овде и сега, можете да им служите на својата татковина и народ во иднина.“

Како одговор на коментарите, професорот Кристофер Хјуз од Лондонската школа за економија изјави за „Тајмс“:

„Идејата за патриотизам, во кинески контекст, значи поддршка на Комунистичката партија. Тоа значи да се бара обединување со Тајван. Тоа значи целосно уништување на тибетските аспирации за автономија. Тоа значи уништување на Хонг Конг. Тоа предизвикува многу наши принципи на академска слобода. Колку повеќе кинески студенти има, толку повеќе се контролирани и искористувани од Кинеската амбасада. Постојат различни групи формирани за да го следат нивното однесување. Затоа, тие не се чувствуваат безбедно. Тоа значи дека се подложуваат на самоцензура“.

Во Велика Британија во моментот има околу 120.000 кинески студенти. Во ноември, Комитетот за надворешни работи утврди дека студентите од Кина се активно вклучени во пропаганден напор на кампусите да извршат притисок врз наративот за поддршка на Кинеската комунистичка партија и да го задушат слободниот говор за чувствителните прашања за партијата, како што се Тајван и Хонг Конг.

Напорите што ги прават некои кинески студенти често се организираат од универзитетските ограноци на институтот „Конфучиј“, кој тврди дека е само средство за ширење на кинеските јазик и култура, но всушност е подружница на кинеското Министерство за образование кое е под надзор на Централниот пропаганден оддел на Комунистичката партија. Во моментов има 29 ограноци на институтот „Конфучиј“ низ цела Британија.

Кинески претставници на институтот „Конфучиј“ се обвинети во Велика Британија за конфискување документи што го споменуваат Тајван, како и за затворање на настаните во кампусот кои се фокусираа на Тајван или на Тибет.

Изјавите на кинескиот амбасадор најверојатно се одговор на растечкиот спор со САД откако американскиот претседател Донал Трамп во мај објави дека неговата администрација ќе ги ограничи визите за кинеските дипломирани студенти во услови на загриженост поради интелектуалната шпионажа.

„Со години владата на Кина спроведува незаконска шпионажа за да ги украде нашите индустриски тајни. Денес ќе издадам проглас за подобро обезбедување на виталното универзитетско истражување на нашата нација и за суспендирање на влегувањето на одредени странски државјани од Кина, кои ние ги идентификувавме како потенцијален безбедносен ризик“, рече Трамп.

Во јуни, Министерството за правда објави дека еден од водечките хемичари во Америка, поранешниот шеф на Катедрата за хемија и хемиска биологија на универзитетот „Харвард“, д-р Чарлс Либер, беше обвинет дека давал лажни изјави за неговата врска со кинеската програма Илјадници таленти (ТТП).  СЕ верува дека програмата е клучна форма на напорите на ККП за кражба на интелектуална сопственост од Западот.

Тензиите се зголемуваат и меѓу Велика Британија и комунистичкиот режим во Пекинг, кои предупредија дека Велика Британија ќе ги сноси сите последици поради одлуката на премиерот Борис Џонсон да отвори пат за државјанство за најмногу 3 милиони жители на Хонг Конг по воведувањето на драконскиот Закон за национална безбедност на градот кој ќе служи за задушување на слободата и автономијата што му беа ветени на Хонг Конг во Кинеско-британската заедничка декларација.

 

Прикажи повеќе...

Најново

Македонија12 минути

Петмина починати и 78 новозаболени од ковид-19 во земјата

Министерството за здравство информира дека во последните 24 часа се направени 894 тестирања, а регистрирани се 78 нови случаи на...

Македонија59 минути

(Видео) Санчез: Се надевам дека по 15 јули, Северна Македонија ќе остане со проевропска Влада

Се надевам дека по изборите на 15 јули, Северна Македонија ќе продолжи со ваква проевропска Влада, Влада која ќе остане...

Регион2 часа

Косово го врати полицискиот час

Премиерот на Косово, Авдулах Хоти, соопшти дека од денеска во некои градови се воведува полициски час поради зголемениот број на...

Регион2 часа

(Видео) Грција повторно им забрани влез на српските туристи, метеж на границата со Бугарија

Грција донесе одлука од денеска од 6 часот наутро повторно да ги затвори границите за Србија по порастот на бројот...

Топ3 часа

Притвор за двајцата скопјани што киднапираа Италијанка

Судот им определи притвор од осум дена на двајцата скопјани што киднапираа Италијанка. Тие се осомничени за кривично дело противправно...

Култура3 часа

Почина легендарниот композитор Енио Мориконе

Познатиот италијански композитор Енио Мориконе почина на 91-годишна возраст. Мориконе се смета за еден од највлијателните филмски композитори од доцните...

Македонија3 часа

Над 7.000 заразени со коронавирус во земјата

Бројот на заразени од коронавирус во земјата надмина 7.000 лица кога вчера беа регистрирани 115 новозаболени. Во моментот активни се...

Регион18 часа

Во Грција 25 новозаразени со коронавирус, осуммина се странски туристи

Грчките власти објавија дека регистрирале уште 25 заразени со коронавирус во изминатите 24 часа и дека нема смртни случаи. Од...

Регион19 часа

На изборите во Хрватска гласале 107.000 гласачи помалку од 2016 година

До попладне, околу 107.000 помалку гласачи излегоа на гласање за хрватскиот парламент отколку во 2016 година, покажуваат податоците на Државната...

Забава20 часа

Индиец со златна маска се штити од коронавирус

Индискиот бизнисмен Шанкар Курхаде рече дека платил околу 3.550 евра за златна маска направена по мерка којашто треба да го...

Свет21 час

Во поплавите во Јапонија настрадаа 16 лица, а 20 се тешко повредени

Најмалку 16 лица загинаа, а 20 се повредени и се во сериозна состојба во западниот дел на Јапонија каде обилните...

Спорт21 час

Руски голман заврши во болница откако го удрил гром на тренинг

Иван Заборовски, голман на рускиот третолигаш Знамја Труда завршил во болница, откако го погодил гром на тренинг на тимот. Иако...

Македонија22 часа

Регистрирани 115 новозаразени и седуммина починати од Ковид-19

Министерството за здравство информира дека во последните 24 часа се направени 1.032 тестирања, а регистрирани се 115 нови случаи на...

Топ23 часа

Од куќа во Скопје украдени речиси милион евра

Скопјанец на возраст од 58 години во вечерните часови на 4 јули пријавил тешка кражба во неговиот дом. Според пријавеното,...

Македонија1 ден

Битолчаните кои претрпеле штети од поројниот дожд ќе може да аплицираат за помош од општината

По обилните врнежи од дожд, кои синоќа ја зафатија Битола и по целоноќните интервенции на терен од страна на екипите,...

Македонија1 ден

Уролог од Тетово е прв починат доктор со Ковид-19 во земјава

Министерот за здравство, Венко Филипче, на социјалните мрежи објави дека во градската болница ,,8 Септември” во Скопје, на 64 годишна...

Топ1 ден

Еден загинат и тројца ранети во пресметка со ножеви и пиштол во Батинци

Во вечерните часови на 4 јули во скопската полиција било пријавено дека во градската болница „Св. Наум Охридски“ со повреди...

Европа1 ден

Курц: Правиме сè за да спречиме ново затворање порди коронавирусот

Австрискиот канцелар Себастијан Курц истакна дека сака да спречи ново затворање на земјата, поради што е важно брзо да се...

Свет1 ден

Раперот Канје Вест најави дека влегува во претседателската трка, доби поддршка од Илон Маск

Американскиот рапер Канје Вест во саботата на „Твитер“ објави дека ќе се кандидира на претседателските избори во ноември и ќе...

Свет2 дена

СЗО: Забележан нов рекорд на новозаразени во еден ден

СЗО објави дека во последните 24 часа во светот се регистрирани 212.326 нови случаи на коронавирус, што претставува рекордно зголемување...

Досие