Свет
(Видео) Продолжуваат протестите во Франција за пензиската реформа
Синдикатите во Франција повторно повикаа на протести во целата земја против пензиските реформи на претседателот Емануел Макрон.
Надлежните очекуваат да учествуваат меѓу 400 и 600 илјади луѓе на сега 12-тиот ден од протестите. Планирано е да се ангажираат 11.500 полицајци, од кои 4.200 во Париз.
A big day of protest against the Macron regime is kicking off everywhere in France…
🔥🔥🔥#greve13avril https://t.co/YJgEUJv3dz
— Winter Oak (@WinterOakPress) April 13, 2023
Се очекува в петок Уставниот совет да ја соопшти одлуката по разгледувањето на предлогот за реформи. Може делумно или целосно да ја поништи пензиската реформа или да ја прогласи за уставна.
Протестите се насочени против постепеното зголемување на старосната граница за пензионирање од 62 на 64 години.
NOW – Protests, clashes in France after Macron forces through pension reform, shunning parliament. The French have had enough. Rise to the Patriots 🇫🇷 pic.twitter.com/Rc9ELql0ur
— 🍁Antonio Tweets 📣 (@AntonioTweets2) April 5, 2023
Протестите се интензивираа бидејќи владата го протурка текстот во Националното собрание без гласање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Велика Британија тврди дека Иран истрелал две ракети кон Кипар, прв ракетен напад врз Европа
Британскиот министер за одбрана Џон Хили изјави дека две ирански ракети биле истрелани кон Кипар, во она што би претставувало прв ирански ракетен напад врз Европа.
– Прилично сме сигурни дека тие не беа насочени кон нашите бази – рече Хили во интервју за Скај Њуз.
Велика Британија има две големи суверени базни подрачја на Кипар.
Истовремено, „тоа е пример за многу реална, растечка закана“, нагласи тој.
Хили, исто така, откри дека 300 британски војници биле во близина на иранските напади во Бахреин.
– Некои од нив на само неколку стотини јарди од местото каде што паднаа ракетите – рече тој.
Свет
Нафтен танкер нападнат во близина на брегот на Оман
Оманскиот центар за поморска безбедност соопшти дека нафтениот танкер „Skylight“, кој плови под знамето на Палау, бил нападнат на околу пет наутички милји од оманскиот полуостров Мусандам.
Четири лица се ранети, а целиот екипаж од 20 лица е евакуиран, јавија локалните медиуми.
Засега нема други информации.
Оманските државни медиуми претходно јавија дека пристаниште Дукм било нападнато со два дрона, при што бил повреден еден работник. Тоа беше првиот таков напад врз заливската земја од избувнувањето на воените непријателства меѓу Израел, САД и Иран, пренесе ДПА.
Оман го осуди нападот и нагласи дека ќе ги преземе сите неопходни мерки за да ја заштити земјата и безбедноста на нејзините жители.
Оман дејствуваше како посредник во индиректните преговори одржани на почетокот на неделава меѓу САД и Иран.
Оман е членка на Советот за соработка во Заливот, предводен од Саудиска Арабија.
Саудиска Арабија, Катар, Обединетите Арапски Емирати, Бахреин и Кувајт, кои се членки на оваа групација сојузничка на САД, пријавија ирански напади на нивните територии откако САД и Израел вчера почнаа воена кампања против Иран.
Свет
(Видео) Ирански водител расплакан ја објави веста за убиството на Хамнеи
Ирански телевизиски водител се расплака во живо додека ја соопштуваше веста за смртта на врховниот лидер на Иран, ајатолахот Али Хамнеи, кој загина во заедничките напади што, според иранските власти, ги извршиле САД и Израел во саботата.
Видно потресен, водителот изјави:
„Бог е голем. Бог е голем. Со длабока тага ја известуваме иранската нација дека великиот ајатолах Али Хамнеи, врховен лидер на Исламската револуција, денес беше маченички убиен во заеднички злосторнички напад од страна на САД и ционистичкиот режим.“
Во текот на обраќањето, од студиото се слушале гласови и плач надвор од кадар, додека водителот ја информирал јавноста за смртта на Хамнеи.
Anchor breaks down while announcing the death of Iran’s supreme leader Ayatollah #Khameini #Khameini_ir pic.twitter.com/mtBBJhQZp0
— aditi tyagi (@aditi_tyagi) March 1, 2026

