Свет
(Видео) Разорна експлозија во Нешвил, од полицијата велат дека станува збор за планиран напад
Огромна експлозија денеска одекнала во центарот на Нешвил, главниот град на американската сојузна држава Тенеси, пренесуваат американските медиуми.
„Веруваме дека некој намерно предизвика експлозија на божиќното утро во центарот на Нешвил“, рече портпаролот на полициската управа.
Портпаролот Дон Арон на утринската прес-конференција изјави дека по пријава за сомнителното возило, службениците од Одделот за експлозиви биле испратени во центарот на градот, а набргу потоа, околу 6:30 часот наутро, дошло до силна експлозија поврзана со тоа возило.
„Веруваме дека експлозијата е намерно предизвикана“, рече Арон.
Портпаролот на противпожарната служба во Нешвил, Џозеф Плесент, изјави дека три лица се повредени во инцидентот и се пренесени во болница. Тој додаде дека никој од нив не е во критична состојба.
„Инцидентот го испитуваат неколку американски агенции, локални и федерални, вклучувајќи ги ФБИ и АТФ“, рече Арон.
Сведок на инцидентот, Бак Мекkој, изјавил за Си-ен-ен дека експлозијата се случила пред неговата зграда.
„Целата улица беше во пламен. Огнот зафати три автомобили. Дрвја паѓаа на улицата, парчиња стакло имаше насекаде. Луѓето ги напуштаа своите куќи со своите миленици. Пожарникарите ми рекоа да се оддалечам што е можно повеќе од оваа област“, рекол тој.
Градоначалникот на Нешвил, Џон Купер, изјавил за Си-ен-ен дека е свесен за инцидентот и е на пат кон местото на настанот. Тој додаде дека експлозијата се случила на Втората авенија во стариот, историски дел на градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Прво обраќање на Хезболах откако беше убиен нивниот лидер: „Подготвени сме за израелска копнена инвазија“
Заменик-шефот на Хезболах, Наим Касем на почетокот на обраќањето рече дека групата изгубила брат и водач кога Израел го убил Хасан Насрала.
Тој изрази сочувство до семејствата на сите загинати во истиот напад.
"He was loved by the people"
Hezbollah deputy chief Sheikh Naim Qassem offers condolences to Ayatollah Khamenei over the martyrdom of Sayyed Hassan Nasrallah, also mentioning the characteristics of the martyred Hezbollah leader. pic.twitter.com/AF8SC7JB15
— Press TV 🔻 (@PressTV) September 30, 2024
„Тој беше сакан од народот“, рече заменик-шефот на Хезболах.
Касем вели дека израелските сили убиваат и масакрираат цивили. „САД се партнер на Израел, преку неограничена воена поддршка – културно, политички, финансиски“, рече тој.
„Ние сме сосема подготвени доколку Израелците сакаат копнена инвазија, силите на отпорот се подготвени за тоа. Се подготвивме и сме подготвени. Непријателот на Израел нема да ги постигне своите цели“, рече тој.
Ова е прв ваков говор откако лидерот Хасан Насрала беше убиен во израелски напад, пренесува АФП.
Свет
САД со одлука: 567 милиони за Тајван
Претседателот на Соединетите Американски Држави Џозеф Бајден одобри 567 милиони долари за одбрана на кинескиот регион Тајван, соопшти денеска Белата куќа.
Во соопштението се наведува дека Бајден му делегирал на американскиот државен секретар „да повлече до 567 милиони долари од Министерството за одбрана на САД за оружје, услуги, воено образование и обука за да му пружи помош на Тајван“.
Ова е најновата одлука на американската администрација донесена со цел зајакнување на армијата на островот во услови на растечки тензии со Кина, пренесува Ројтерс.
Агенцијата наведува дека САД се најважниот меѓународен сојузник и снабдувач на оружје на Тајпеј, пренесуваат светските медиуми.
Свет
ИФО: Германските компании генерално нема да ги зголемат цените на нивните производи и услуги
Германските компании генерално не планираат да ги зголемат цените на своите производи и услуги, е заклучокот од извештајот што денеска го објави Институтот за економски истражувања ИФО од Минхен.
Според извештајот, индексот што ја мери подготвеноста на германските компании да ги зголемат цените падна од 16,1 поени во август на 13,8 поени во септември.
Врз основа на резултатите, шефот на одделот за прогнозирање на Институтот за економски истражувања, Тимо Волмершеуцер, заклучува дека стапката на инфлација во Германија ќе остане под два отсто во наредните месеци.
Според него, економската криза во Германија ги ограничува можностите на локалните компании да ги зголемат цените, пренесува Танјуг.
Германските граѓани треба да очекуваат повеќе зголемувања на цените во производниот сектор, додека сè помалку компании во малопродажбата, градежната индустрија и меѓу давателите на услуги се подготвени да ги зголемат цените, се вели во извештајот.
Годишната стапка на инфлација во Германија падна во август од 2,3 отсто во јули на 1,9 отсто и моментално е најниска од март 2021 година, објави неодамна германската Федерална статистичка служба (Дестатис).
Прелиминарните податоци за септемвриската инфлација во Германија ќе бидат објавени денеска.