Свет
(Видео) Ракетата на Безос лансирана во вселената: „Успеавме, стигна во орбитата“

Лансирањето на ракетата „Њу Глен“ од компанијата „Блу ориџин“, во сопственост на американскиот милијардер Џеф Безос, пред неколку дена беше откажано во последен момент поради технички проблеми.
Но висока речиси триесет ката (висока е 98 метри и широка 7 метри) и дизајнирана за повеќекратна употреба, ракетата „Њу Глен“ беше лансирана рано утринава од Кејп Канаверал, Флорида. Овој беспилотен тест-лет е наменет да ја прикаже демонстрациската технологијата во вселената за потребите на „Блу ориџин“. Главната цел на мисијата беше да докаже дека „Њу Глен“ може да стигне до орбитата, што би го отворило патот за посложени мисии во иднина.
„Го направивме тоа, ракетата стигна до орбитата“, рекоа тие во пренос во живо славејќи го успехот на мисијата.
Џорџ Нилд, претседател на компанија што промовира приватни вселенски активности, смета дека лансирањето на „Њу Глен“ е добра вест за целиот вселенски сектор бидејќи „добро е да се има конкуренција, да се има опција за избор“. „Ова е исклучително важно за комерцијалната вселенска индустрија, но и за владата и за НАСА, бидејќи не само што ги намалува трошоците туку нуди и план Б во случај на проблеми со уредот“, објасни тој за АФП пред летот.
The NG-1 countdown clock is proceeding. The three-hour launch window opens at 1 a.m. EST (0600 UTC).
Live webcast begins here 20 minutes before launch.https://t.co/wDtmxoDKRs
— Blue Origin (@blueorigin) January 16, 2025
Оваа инаугуративна мисија на „Њу Глен“ се очекува да трае шест часа.
„Њу Глен“ е ракета за повеќекратна употреба. Нејзината прва фаза се напојува со мотори BE-4, кои се напојуваат со течен природен гас и течен кислород. „Блу ориџин“ претходно успеа да ја приземји својата ракета „Њу Шепард“ на копно во Тексас, но овој пат ќе се обиде со контролирано слетување на првата етапа на шлеп во морето – деликатен маневар сличен на оние што ги изведува „Спејс икс“.
По одвојувањето, моторите BE-3U на горната етапа, кои користат течен кислород и водород, покренуваат до 45 метрички тони носивост во ниската орбита на Земјата.
Станува збор за мисија без екипаж, а нејзината носивост го вклучува Blue Ring Pathfinder, која содржи комуникациска низа, енергетски систем и компјутер за летање. „Блу ориџин“ планира да го тестира вселенското летало „Блу ринг“, кое ќе овозможи идни мисии со полнење гориво, пренос на податоци.
Доколку ова лансирање биде успешно, дополнителни летови на „Њу Глен“ се очекуваат во 2025 година.
„Блу ориџин“ веќе има потпишано договори со неколку клиенти, меѓу кои и американската вселенска агенција, која ќе го користи за беспилотна мисија на Марс, и американската влада, која ќе го користи за мисии за национална безбедност.
Од комерцијална страна, „Блу ориџин“ планира да лансира интернет-сателити за неколку компании, а како и „Спејс икс“ со „Старлинк“, треба да биде одговорен и за лансирање сателити од групата „Амазон“.
Џеф Безос и Илон Маск, двајца од најбогатите луѓе во светот, се исто така ривали во сателитскиот интернет простор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Возач со џип се залета во средношколци кои биле на блокада во Србија

Возач со џип денеска се залета во средношколци кои организирале блокада на крстосница во градот Бечеј, во Војводина. Ова се случило за време на 15-минутниот молк за 15-те жртви во новосадската трагедија, пишува локалниот портал „Автономија инфо“.
Инцидент бил спречен бидејќи во близина имало полицајци, по што возачот се вратил во автомобилот и заминал од местото, пишува порталот.
Учениците од гимназијата во Бечеј кои се во блокада и кои поминаа две ноќи во училиштето, денеска соопштија дека се разочарани од одлуката на Училишниот одбор наставата да продолжи за учениците кои сакаат да ја посетуваат.
Протестите на студентите се со цел да им дадат поддршка на колегите од Нови Сад по повод три месеци од трагедијата на Железничката станица во која загинаа 15 лица.
Свет
Зеленски: Зборував со Трамп за постигнување мир во Украина

Украинскиот претседател Володимир Зеленски изјави дека имал значаен разговор со американскиот претседател Доналд Трамп и дека „разговарале за можностите за постигнување мир“.
Трамп му се јави на Зеленски веднаш по телефонскиот разговор со рускиот претседател Владимир Путин.
„Имав значаен разговор со американскиот претседател. Разговаравме долго за можностите за постигнување мир, разговаравме за подготвеноста за соработка на тимско ниво и за технолошките можности на Украина – вклучувајќи беспилотни летала и други напредни индустрии“, рече Зеленски во изјавата на платформата X.
Тој му се заблагодари на Трамп за неговиот интерес за „што можат да постигнат заедно“ и додаде дека разговарале и за неговата средба со американскиот секретар за финансии Скот Бесен во Киев претходно истиот ден.
„Претседателот Трамп ги сподели деталите од неговиот разговор со Путин“, додаде Зеленски, нагласувајќи дека никој не сака мир повеќе од Украина.
„Заедно со Соединетите Држави планираме следни чекори за да ја запреме руската агресија и да обезбедиме траен, сигурен мир. „Како што рече претседателот Трамп: „Ајде да го решиме ова“, нагласи тој.
Зеленски додаде дека се договориле да останат во контакт и да планираат идни состаноци.
Свет
Зеленски: Ако не бидеме примени во НАТО, потребна ни е помош од САД – тоа е нашиот план Б

Украинскиот претседател Володимир Зеленски изјави дека на Украина ќе и требаат Соединетите држави да помогнат во изградбата на армија толку голема како Русија која ќе служи како „план Б“ доколку неговата земја не биде примена во Организацијата на Северноатлантскиот договор.
Киев е во војна со руските сили кои започнаа инвазија во февруари 2022 година, па затоа тврди дека пристапувањето во НАТО би било најсилниот и најевтин начин да се спречи Русија да започне нова инвазија на Украина откако ќе се постигне прекин на огнот или мировен договор.
„Ако Украина не е во НАТО, тоа значи дека Украина ќе го изгради НАТО на нејзина територија. Значи, потребна ни е армија толку голема колку што имаат Русите денес“, рече Зеленски во интервјуто за Економист.
Американскиот секретар за одбрана Пит Хегсет изјави дека Соединетите Држави не го гледаат членството на Киев во алијансата како дел од мировниот план за Украина.