Од минатиот месец 15 кита заринкаа на источниот брег на САД, а 7,6-метарски грбав кит заринка на бреговите на американската сојузна држава Њујорк. Научниците сè уште не знаат од што е ова предизвикано.

„Станува збор за машки грбав кит. Ова е прв таков случај на оваа област во последните пет години. Ова е најголемото заринкување на кит на овие брегови во повеќе од една деценија“, рече Дон Клавим, управител на градот Хемпстед, објави Би-би-си.

Експертите наведуваат дека засега не гледаат причина за вакви инциденти, а локални активисти и научници се обидуваат да ја откријат причината за проблемот. Некои сметаат дека вината за заринкувањето на китовите е поставувањето на ветерни електрани по должината на брегот, но локалните власти наведуваат дека нема докази за такво нешто.

„Засега не гледаме ништо што би можело да им наштети на китовите“, рече Синди Зиф, директорка на Clean Ocean Action.