Во Москва е спречен терористички напад на јавно место, а масакрот го подготвил мигрант од Централна Азија, објави Федералната служба за безбедност на Русија (ФСБ).

„Федералната служба за безбедност на Русија, заедно со Министерството за внатрешни работи и Истражниот комитет, ја прекина активноста на член на терористичка организација која планирала да изврши терористички напад во Москва“, се вели во соопштението.

Терористот е убиен при обидот за апсење, објави „Спутник“.

Тој бил пронајден во пределот на напуштените гаражи во Химки. Терористот отворил оган врз припадниците на безбедносните органи од автоматско огнено оружје“ и бил неутрализиран со повратен оган.

Сотрудниками ФСБ в Москве предотвращен теракт в людном месте. Террорист готовился к массовому убийству людей. При попытке задержания злоумышленника ликвидировали.
При осмотре места происшествия нашли автомат АКС-74У, 3 снаряженных магазина, гранаты.
Работают ребята!.. pic.twitter.com/pP46R6OGLD

— Людмила Алексеевна (@Ukd0CUeeDDpM8vi) July 27, 2020

При претресот на местото се пронајдени автоматска пушка АКС-74У, три шаржери, две гранати Ф-1 и една граната РГД.

Исто така, било откриено дека терористот бил државјанин на една од земјите на Централна Азија, кој живеел во изнајмен стан во главниот град на Русија. Приведен е и неговиот брат, кој го барал за да го спречи да влезе во Сирија и да се приклучи на меѓународна терористичка организација која е забранета во Русија.