Свет
(Видео) Почина Чарли Вотс, тапанарот на „Ролинг стоунс“
Чарли Вотс, тапанарот кого многумина го сметаа за ‘рбетот на рок-бендoт „Ролинг стоунс“, почина во вторникот на 80-годишна возраст.
Лондонскиот публицист Бернард Доерти соопшти дека Вотс починал мирно во лондонска болница опкружен со неговото семејство. Причината за смртта не е наведена.
„Чарли беше сакан сопруг, татко и дедо, а исто така и како член на „Ролинг стоунс“, еден од најголемите тапанари на неговата генерација“, рече Доерти.
Вотс неодамна најави дека нема да настапува на претстојната турнеја на „Стоунс“ низ САД поради недефиниран здравствен проблем.
Тешко беше да се замисли „Стоунс“ без Вотс, пишуваат медиумите алудирајќи на неговата најава за отсуство, „но никој не помисли дека ова ќе се случи“. Неговиот лесен допир, единствено ритмичко чувство, како што може да се слушне на канонските рок-песни Paint It Black, Gimme Shelter и Brown Sugar, го направија мотор што ја става во погон музиката на „Стоунс“ и еден од најпознатите и најценетие тапанари на сите времиња.
Тивкиот, елегантно облечен Вотс честопати беше рангиран со Кит Мун, Џинџер Бејкер и неколкумина други како врвен рок-тапанар, почитуван ширум светот со неговиот мускулест стил додека „Стоунси“ се издигаа од нивните скромни почетоци до меѓународна суперѕвезда.

На бендот му се придружи во почетокот на 1963 година и остана речиси 60 години, а рангиран е веднаш зад Мик Џегер и Кит Ричардс како најдолговечен и најважен член на култниот бенд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Техеран ја потврди смртта на врховниот лидер Али Хамнеи и објави 40 дена жалост
Иранскиот државен радиодифузер ја потврди смртта на врховниот лидер Али Хамнеи, неколку часа откако САД и Израел соопштија дека тој е убиен во вчерашните воздушни напади, објави „Иран интернешнл“.
Кратко по објавата за смртта на лидерот, иранскиот кабинет објави седумдневен државен празник и 40 дена национална жалост.
86-годишниот Али Хамнеи беше на власт речиси четири децении, од 1989 година. Имаше врховна власт, владееше со владата, со војската и со судството во шиитската Исламска Република.
Фото: ЕПА
Свет
Убиени и ќерката, зетот и внукот на ајатолахот Али Хамнеи, јавуваат иранските медиуми
Ќерката, зетот и внукот на врховниот лидер на Иран, Али Хамнеи, се убиени во нападите, соопшти новинската агенција “Фарс“, која е поврзана со Корпусот на Исламската револуционерна гарда, повикувајќи се на „добро информирани извори“ во канцеларијата на врховниот лидер, објави вечерва „Би-Би-Си“.
„Фарс“, исто така, соопшти дека „една од снаите на ајатолахот Хамнеи е исто така убиена во нападите“.
Извештаите за смртта на снаата и зетот на Хамнеи претходно циркулираа, но подоцна беа демантирани.
Иранските власти сè уште официјално не ја потврдија смртта на самиот врховен лидер на Иран.
Фото: ЕПА
Свет
(Видео) На улиците на Техеран, Иран, се слави убиството на Али Хамнеи
Со музика и танцување вечерва жителите на многу ирански градови слават за убиството на лидерот на Исламската Република, ајатолахот Али Хамнеи, објави на социјалните мрежи „Иран интернешнл“.
Видео од Техеран покажува насмеани луѓе излезени на улица откога ја добиле веста дека Али Хамнеи е убиен.
Во Караџ голем број граѓани танцуваат на улица, а жителите пак на Бандар Абас се излезени на улиците со автомобили и слават со сирените.
86-годишниот Али Хамнеи беше на власт речиси четири децении, од 1989 година. Имаше врховна власт, владееше со владата, со војската и со судството во шиитската Исламска Република.

