Властите на шпанскиот остров Ла Палма наредија евакуација на градовите Тахуја, Таканде де Абахо, и делови од Таканде де Ариба, кои досега не беа евакуирани по ерупцијата на вулканот.

Властите првично ги советуваа жителите на тие градови да останат дома, но потоа им рекоа дека мора да се евакуираат поради засилената вулканска активност.

Лава од вулканот Кумбре Вијеха на канарскиот остров Ла Палма тече низ падината на вулканот и уништува сѐ што е пред него веќе шести ден. Досега се уништени речиси 200 приватни и јавни објекти и голема површина земјоделско земјиште, а илјадници луѓе се привремено евакуирани.

Ла Палма беше во состојба на готовност откако беа регистрирани повеќе од 22.000 земјотреси за една недела во Кумбре Виеја, синџир вулкани што последен пат еруптираа во 1971 година и е еден од најактивните вулкански региони на Канарските Острови.

Во последните 24 часа во Србија се потврдени 40 починати од коронавирус и 6.462 нови случаја. Во болница се лекуваат 5.401 пациент, од кои 201 се на респиратор.

Вкупниот број на заболени од почетокот на епидемијата се искачи на 899.485.

Од почетокот на епидемијата во Србија починаа 7.966 лица.

Србија е на 37. место во светот според бројот на заразени, според листата што ја објавува специјализираната веб-страница worldometers.info, а според бројот на смртни случаи на милион жители земјата се наоѓа на 76. место.

Невообичаена сообраќајна незгода се случила денеска во белградската општина Земун.

Како што пренесуваат српските медиуми, возач на градски автобус од засега сè уште непознати причини изгубил контрола над возилото и влетал во детски парк.

Според српски „Телеграф“, во несреќата се повредени пет лица – четири деца и еден возрасен. На местото биле испратени четири екипи на брзата помош, а повредените се пренесени во болница.

„Телеграф“ наведува дека автобусот удрил во автомобил, кој потоа удрил во друг автомобил, а тој се забил во ѕидот на локална продавница.