Свет
(Видео) Tајландскиoт премиер ги испрска новинарите со средство за дезинфекција
За време на одговарање на новинарски прашања, премиерот на Тајланд, Прајут Чан-оча, ги испрска со средство за дезинфекција претставниците на медиумите, кои беа во првиот ред.
На конференцијата новинарите го прашуваа премиерот за можни промени во владиниот состав.
Пред да ја напушти салата, видно изреволтиран, премиерот се приближи до првиот ред на новинари и додека држеше заштитна маска, ги испрска новинарите со средството за дезинфекција.
นาทีบิ๊กตู่จู่โจม หลังถูกนักข่าวถามเรื่อง การกลับคืนเก้าอี้ตำรวจของบิ๊กโจ๊ก pic.twitter.com/qPHT3TXheC
— Matichon Online (@MatichonOnline) March 9, 2021
Премиерот на Тајланд и порано имаше невообичаени испади за време на разговорите со новинарите. Во една пригода тој фрли кора од банана кон снимателите.
На Тајланд се зголеми бројот на оние што повикуваат на оставка на премиерот кога активисти, кои повикуваа на политички реформи, беа обвинети за кршење на законот, со кој се забранува критика кон постарите членови на кралското семејство, пренесува РТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

