Бројот на починати од ковид-19 во Италија се зголеми на 111, за 24 повеќе од претходниот ден, а 416 се новозаразени, што е помалку отколку во петокот, објави италијанската цивилна заштита.

Вкупниот број на смртни случаи во Италија поради коронавирусот од почетокот на епидемијата на 21 март сега изнесува 33.340, според Цивилската заштита.

Бројот на потврдени случаи е 232.664, на шестото место зад САД, Русија, Шпанија, Велика Британија и Бразил.

Во моментов има 43.691 заболени пациенти. Бројот на пациенти во одделенијата за интензивна нега опаѓа веќе подолго време, па денеска се хоспитализирани 450 лица, 25 помалку од претходниот ден.

Германската канцеларка, Ангела Меркел, ја одби поканата од американскиот претседател, Доналд Трамп, за учевство на предвидениот самит на Г7 во САД.

Таа му заблагодари на претседателот Трамп за поканата на самитот на Г7 на крајот на јуни во Вашингтон“, изјави портпаролот на германската Влада, Штефен Сиберт.

„Од денес, со оглед на состојбата со пандемијата, таа не може да се согласи на лично учество на патување во Вашингтон“, вели Сиберт.

Телеметриската сеизмолошка мрежа, одржувана од Сеизмолошката опсерваторија при Природно-математичкиот факултет во Скопје, денеска во 17 часот и 35 минути, регистрира земјотрес чии епицентар се наоѓа 165 километри југозападно од Скопје во соседна Република Албанија, а потекнува од пограничното епицентрално подрачје Корча.

Земјотресот е со 3.5 степени Рихтер, а бил почувствуван од населението на нашата Република, особено во југозападните делови со интензитет од III степени според Европската макросеизмичка скала.