Војници на Националната гарда распоредени во главниот град на САД проашле парченца стакло во пицата што им ја доставиле, потврди Пентагон, во време кога протестите против полициската бруталност на национално ниво ескалираат во повици за целосно ослободување од спроведувањето на законот, пренесува РТ.

Речиси 1.500 војници од Јужна Каролина, Индијана, Мериленд и од Тенеси беа испратени во Вашингтон минатата недела како засилување за 1.300 припадници на Националната гарда бидејќи протестите ескалираа во грабежи и подметнување пожари.

Кога двајца војници од Јужна Каролина порачале пица во хотелот „Мериот Маркис“, каде што престојувале, во пицата нашле парченца стакло. Тие не јаделе од пицата и не се повредени, објавија „Чарлстон пост“ и „Куриер“ повикувајќи се на Министерството за одбрана.

Dear ⁦⁦@MayorBowser⁩ :

Your anti-military rhetoric and actions—including proudly booting out of DC hotels in the middle of the night exhausted soldiers putting their lives on the line to protect our nation’s capital—incites this type of violence. https://t.co/XAuGBz6mlD

— ?? Mike Davis ?? (@mrddmia) June 11, 2020

Двајцата гардисти стапиле во контакт со полицијата во Вашингтон и го пријавиле инцидентот.

„Командата вели дека војниците се добро и дека ова е единствениот инцидент колку што им е познато“, изјави портпаролката на Националната гарда на Јужна Каролина, капетан Џесика Донели, за „Пост“ и „Куриер“.

Таа додаде дека на војниците им било советувано да поднесат полициски извештај. Полицијата во Вашингтон изјави дека сè уште не добила таква пријава.