Свет
Во Америка е најавена снежна бура; Џонсон: Нема да ја одложиме потврдата за победата на Трамп
Зимската бура што пустоши низ САД нема да го спречи американскиот Конгрес да се состане утре за формално да го потврди изборот на републиканецот Доналд Трамп за претседател, изјави претседателот на Претставничкиот дом, републиканецот Мајк Џонсон.
„Законот за броење гласови бара ова да се направи на 6-ти јануари во 13:00 часот. Значи, снежна бура или не, ќе бидеме во тој дом и ќе се увериме дека тоа е готово“, рече Џонсон во интервју за „Sunday Morning Futures“ на Фокс Њуз.
Џонсон рече дека се надева оти сите ќе бидат присутни и покрај невремето и ги охрабри пратениците да останат во градот.
Прогнозите предвидуваат обилен снег и силен ветер, објави Националната метеоролошка служба. Издадени се предупредувања за силни временски услови за источната половина од земјата, вклучително и предупредувања за снежна бура во делови од Канзас.
Се очекува во Вашингтон да наврнат од седум до 18 сантиметри снег, што ќе го отежне патувањето и евентуално ќе ги затвори училиштата, владата и деловните субјекти.
Лошото време може да предизвика проблеми во метрополитенската област Вашингтон, која имаше благи зими во изминатите децении и понекогаш беше неподготвена за акумулација на снег или мраз.
Членовите на американскиот Сенат и Претставничкиот дом се вратија во Вашингтон завчера по зимскиот распуст, а републиканците во саботата се сретнаа со Џонсон за да разговараат за законодавните приоритети. Републиканците ја освоија контролата во двата дома на ноемвриските избори.
И други политичари потенцираа дека не размислуваат за одложување поради временските услови.
„Нема промени во распоредот“, рече Лорен Фајн, директорка за комуникации на лидерот на републиканското мнозинство во Претставничкиот дом, Стив Скализ.
Процесот на потврда, кој обично е формалност, беше прекинат пред четири години кога приврзаниците на Трамп упаднаа во американскиот Капитол во обид да го спречат трансферот на власта на демократот Џо Бајден, победникот на изборите во 2020 година.
Трамп продолжи лажно да тврди дека неговиот пораз во 2020 година е резултат на широко распространета измама. Бајден и демократите рекоа дека ќе ги почитуваат резултатите од изборите во 2024 година и ќе продолжат да ги потврдуваат изборните резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху најави инвестиции од 110 милијарди долари за израелската одбранбена индустрија
Израел планира да инвестира 110 милијарди долари во следните десет години за да ја направи својата домашна воена индустрија понезависна, соопшти премиерот Бенјамин Нетанјаху.
Говорејќи на церемонија за доделување дипломи на новообучени пилоти на воздухопловните сили, Нетанјаху изјави дека целта е да се намали зависноста на Израел од странски добавувачи на оружје, вклучувајќи и пријатели, пренесе Тајмс оф Израел.
Тој ја спомена Германија, наведувајќи дека, како и други земји, настојува да купува сè повеќе и повеќе системи за вооружување од Израел. Германија привремено стопираше дел од извозот на оружје за Израел по разорната војна во Газа, што ги заостри односите меѓу двете земји.
Нетанјаху посочи дека и други европски држави, како и Соединетите Американски Држави, вовеле ограничувања, и дека новата инвестициска програма има цел да обезбеди стратешка автономија на Израел во производството на оружје.
Минатата недела, Германија и Израел потпишаа договор за проширување на ракетниот одбранбен систем Arrow 3, наменет за заштита од потенцијални ракетни напади. Израелски официјални лица соопштија дека вредноста на договорот изнесува околу 6,7 милијарди долари, што го прави најголемиот договор за вооружување во историјата на Израел.
Свет
Трамп: Среќен Божиќ на сите, дури и на лошите радикални левичари
Американскиот претседател Доналд Трамп на својата социјална мрежа им посака среќен Божиќ на сите, вклучувајќи ги и радикалните левичари, алудирајќи на своите демократски противници.
„Среќен Божиќ на сите, вклучувајќи го и радикалниот левичарски олош кој прави сè што може за да ја уништи нашата држава, но во тоа целосно потфрла“, порача републиканскиот претседател, по што ги наброја успесите на својот мандат.
„Повторно нè почитуваат, можеби како никогаш досега. Боже, благослови ја Америка!!!“, додаде Трамп.
Во категоријата „радикална левица“, со својот остар стил, Трамп често ги вклучува сите демократи и политички противници. Тој божиќните празници ги поминува во својата резиденција на Флорида.
Фото: Depositphotos
Свет
(Видео) Русија: Два нафтени резервоари во пламен по украински напад со дрон
Два резервоари за складирање нафта се запалиле во руското пристаниште Темрјук во Краснодарскиот крај, по украински напад со дрон, соопшти денеска регионалниот штаб за вонредни состојби.
Пожарот зафатил површина од околу 2.000 квадратни метри, пренесува Интерфакс.
Во гаснењето учествувале 70 лица, меѓу кои и припадници на Главната управа на Министерството за вонредни ситуации на Русија за Краснодарскиот крај.
Footage published by Exilenova shows drone strikes on a tanker and port infrastructure at the Taman marine terminal in Krasnodar Krai, Russia, during the night of December 21–22. https://t.co/WCi3GJeTB9 pic.twitter.com/meWR47N3C2
— NOELREPORTS 🇪🇺 🇺🇦 (@NOELreports) December 24, 2025
Според првичните информации, нема жртви, додаде оперативниот штаб.
Во меѓувреме, Министерството за одбрана на Русија соопшти дека руските сили во текот на ноќта собориле 141 украински дрон над руската територија.
„Од 23:00 часот по московско време на 24 декември до 7:00 часот по московско време на 25 декември, системите за противвоздушна одбрана пресретнаа и уништија 141 украинско беспилотно летало со фиксни крила“, се наведува во соопштението, кое го пренесува РИА Новости.
Како што се наведува, 62 дрона биле уништени во Брјанската област, 12 во Тулската, 11 во Калушката, а девет во Московската област.
Дополнително, осум дрона биле соборени во Адигеја, седум во Краснодарскиот крај, по шест на Крим и во Ростовската област, по пет во Белгородската и Воронешката област, како и над Азовското Море.
Четири дрона биле уништени во Курската област, а еден во Волгоградската област, соопшти министерството.
Фото: pexels
ВМРО-ДПМНЕ: Наводите за висококатницата на Заев во Дубаи добија сведоштво: „Тоа се милиони евра“
ВМРО-ДПМНЕ соопшти дека, според нивни наводи, поранешниот премиер Зоран Заев инвестира во изградба на 42-катна зграда во Дубаи, а заедно...
Тошковски: Прекршок ќе се регистрира од 57 километри на час при дозволени 50, толеранцијата како кај полициските радари
Толеранцијата на камерите од системот „Безбеден град“ ќе биде иста како онаа што се применува кај останатите полициски радари, изјави...
Католиците ширум светот денес го слават Божиќ
Католиците, протестантите и другите верници кои се придржуваат до грегоријанскиот календар, денес ширум светот го одбележуваат еден од најрадосните празници...
Трката по суперинтелигенција: Технологија што го менува светот или опасна илузија
Колумнистот на Гардијан, Рафаел Бер, пишува дека ако вештачката интелигенција не им го променила животот на луѓето во 2025 година,...
ФБИ пронајде повеќе од еден милион нови документи поврзани со случајот на Епстин
Американското Министерство за правда соопшти дека се откриени повеќе од еден милион дополнителни документи кои би можеле да бидат поврзани...
Променливо облачно со дожд и снег на планините, од утре стабилизирање на времето
Времето денеска ќе биде променливо облачно со повремени локални врнежи од дожд, особено претпладне во источните делови од земјата. На...
Апелација ја зголеми затворската казна за двајцата директори поради пожарот во модуларната болница во Тетово
Апелационен суд Гостивар ја преиначи пресудата за случајот со модуларната болница во Тетово и на двајцата обвинети им ја зголеми...
Бугарија понуди мазут за Македонија, од Владата уверуваат дека не е потребна надворешна помош
Бугарија ѝ понудила на Македонија итни залихи на мазут, со цел да помогне во надминување на кризата во снабдувањето со...
Мухамет Хоџа и Беким Сали се новите министри во Владата
Собранието ги избра Мухамет Хоџа за министер за животна средина и просторно планирање и Беким Сали за министер за европски...
Вработените во Народниот правобранител алармираат: Се наоѓаме во безизлезна состојба
Вработените во Народниот правобранител и двајцата преостанати заменици на народниот правобранител велат дека се наоѓаат во безизлезна состојба и дека...
Николоски: Владата ќе донира 100 нови комби-возила за „Пошта“
Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот....
Мицкоски со порака до граѓаните што заминале во странство: Каде и да одите, колку и да сте успешни, таму секогаш ќе бидете дојденци
Вашето враќање е порака дека Македонија не е заборавена, корените не се пресечени и дека љубовта кон домот не исчезнува,...
Наќе Чулев: Незаконски бев отпуштен од работа, со години трпев јавно понижување
Поранешениот директор на Агенцијата за разузнавање и министер за внатрешни работи, Наќе Чулев, објави дека судот донел пресуда во негова...
(Видео) „100 милиони евра загуба – кој профитира од увозот на струја“, прашува Димитријевиќ
„Наместо да ги покачи платите и пензиите, власта ја покачи сметките за струја, удри по стандардот на народот. Државата нема...
Вонредни екипи ќе ги читаат броилата за време на празниците и викендите
Зголемен е процентот на отчитување на броилата на 95% на тримесечно ниво (на 90% на месечно ниво), таргетирани се 10.000...
Нов дефокус, сега Бугарите се криви за покачувањето на струјата, велат од СДСМ
„Ги слушаме претставниците на ВМРО Ванчовистичка во јавните настапи како зборуваат за внесување на Бугари во Устав. Дали сега за...
Андреј Жерновски, симбол на неуспех и директен учесник во скандали и предавство на националните интереси, не е и не може да биде нов лик на СДС, велат од ВМРО-ДПМНЕ
СДС може колку сака да го претставува новоформираното партиски раководство, како кадровска реформа и „нова“ сила, тоа не поминува. Реформа...
„Една од институциите во која видни партиски лица од СДС и ДУИ си ги сместувале своите најблиски е ‘ЕСМ снабдување со топлина’, велат од ВМРО-ДПМНЕ
„За СДС и ДУИ ништо не било свето. Институциите ги гледале единствено низ призмата сместување во топлите и удобни фотелји...
Додека граѓаните плаќаат најскапа струја, власта се правда дека покачувањето е минимално, велат од партијата Левица
„Наместо покачување на платите и животниот стандард, граѓаните од јануари ќе плаќаат повисоки сметки за струја, благодарение на немањето визија...
„Две моќни одлуки со кои се нанесува директен удар врз хаосот и долгогодишната небрежност во јавното здравство“, велат од „Влен“
„Вчера, на седницата на Владата, беа донесени две моќни одлуки со кои се нанесува директен удар врз хаосот и долгогодишната...
