Свет
Во Израел вакцинирани 600 деца од ризични групи
Досега во Израел се вакцинирани околу 600 деца на возраст од 12 до 16 години, кои спаѓаат во ризичната група, со вакцината на Фајзер/Бионтек.
За сега не се пријавени значителни несакани ефекти, изјави израелскиот лекар Боаз Лев, член на советничкиот тим на Министерството за здравство.
Лев најави дека Министерството ќе почне кампања за безбедност на вакцините доколку се одобри имунизација за деца.
Израелскиот премиер Бенјамин Нетанјаху рече дека децата наскоро ќе почнат да примаат вакцини, но тој не прецизираше кога.
„Фајзер“ неодамна вакцинираше повеќе од 2.000 деца на возраст од 12 до 15 години како дел од истражувањето, а резултатите се очекуваат за неколку месеци, пренесуваат израелските медиуми.
Фармацевтската компанија се очекува да побара итно одобрување на вакцините за таа возраст од американската Администрација за лекови и храна во првата половина на оваа година.
Вакцините во моментов се одобрени за лица над 16 години. Помладите израелски деца кои биле вакцинирани, меѓу другото, страдаат од дијабетес, тешки болести на белите дробови и срцето и рак.
Министерството за здравство предложи вакцинирање на некои тинејџери против Ковид-19 доколку страдаат од одредени болести.
Ширењето на заразата кај децата стана голема загриженост за време на третиот бран на пандемија во Израел.
Поголем процент на деца се заразени сега отколку во претходните фази на ширење на коронавирус и се верува дека ова се должи на новите видови и фактот дека многу возрасни лица во Израел биле имунизирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.