Свет
Во Калифорнија рекордно високи температури, властите сè уште се борат со пожарите
Рекордно високи температури беа регистрирани во делови од Калифорнија во неделата кога топлотен бран ја погоди земјата, а властите сè уште се борат со пожарите.
Националната метеоролошка служба забележа рекордни 49,4 степени во Вудленд Хилс, официјално највисока температура досега забележана во округот Лос Анџелес.
Претходниот рекорд беше 48,3 степени во јули 2006 година.
Во Пасо Роблес, град познат по своите винарници во областа Сан Луис Обиспо, беа измерени 47,2 степени, надминувајќи го рекордот од 46,7 степени од 2017 година.
Во градот Бурбенк, предградие на Лос Анџелес, температурата е 45,5 степени Целзиусови, соопшти Националната метеоролошка служба.
Гувернерот на Калифорнија, Гавин Њусом, веќе прогласи вонредна состојба низ целата земја во август, поради борбата со пожарите и опасните временски услови.
Во пожарите изгореа десетици илјади хектари, уништени се домови, а илјадници жители мораа да бидат евакуирани.
Двесте лица кои беа оставени опкружени со пожар во Националната шума Сиера беа спасени со хеликоптер во саботата вечерта.
Најмалку 10 лица биле повредени, но никој не загинал, соопшти канцеларијата на локалниот шериф.
Властите издадоа наредба за евакуација откако пожарот во националната шума Сиера им се закани на локалните заедници.
Калифорниската национална гарда исто така предупреди дека за време на викендот поради високите температури, жителите може да останат без електрична енергија.
Сателитските снимки покажуваат енормно големи количини чад над западната американска држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Одложен состанокот на министрите на ЕУ во Кипар поради нападот со беспилотно летало
Состанокот на министрите за европски прашања на земјите-членки, кој требаше да се одржи денес и утре на Кипар, е одложен поради нападот со беспилотно летало врз британската база Акротири на тој остров, објави кипарското претседателство.
„Во раните утрински часови имавме еден, изолиран инцидент со беспилотно летало насочено кон британската база во Акротири, Кипар, со ограничена штета. Точното потекло на беспилотното летало моментално се проверува, но е потврдено дека Република Кипар не била цел на нападот“, објави портпаролката на кипарското претседателство.
Со оглед на овој неочекуван развој на настаните, кој за жал влијаеше на денешните летови до Кипар, кипарското претседателство одлучи да го одложи неформалниот состанок на Советот за општи работи.
Советот за општи работи, кој е составен од министрите на ЕУ од земјите-членки, требаше да разговара за предлогот за повеќегодишен буџет за периодот 2028-2034 година, борбата против манипулацијата со информации и мешањето од трети земји и проширувањето на ЕУ.
На состанокот беа поканети и министри од земјите-кандидатки.
Кипар, кој беше британска колонија до 1960 година, е дом на две бази – Акротири и Декелија – кои имаат статус на британски прекуокеански територии. Британците ги задржаа овие две бази според договорот за независност на Кипар од 1960 година.
фото/Depositphotos
Свет
Катар ги прекина односите со Иран по нападот
Катар ги прекина односите со Иран по нападот, соопшти Министерството за надворешни работи на таа земја.
Портпаролот изјавил за Си-Ен-Ен дека Иран гаѓал цивилна инфраструктура во Катар, вклучително и меѓународниот аеродром, како и дека катарските борбени авиони собориле дронови и други проектили.
„Ваков напад не може да помине без одмазда“, рекол тој, додавајќи дека Иран мора да ја плати цената за овој очигледен напад врз нивниот народ.
Фото: Depositphotos
Свет
Кремљ во постојан контакт со Техеран, нападот го нарече отворена агресија
Кремљ соопшти дека Русија е во постојан контакт со иранското раководство по, како што наведе, „отворената агресија“ врз Техеран и изрази длабока разочараност од развојот на настаните.
Рускиот претседател Владимир Путин во неделата го осуди убиството на иранскиот врховен водач ајатолахот Али Хамнеи, нарекувајќи го „цинично“, додека руското Министерство за надворешни работи ги обвини САД и Израел дека Блискиот Исток го турнале „во бездна на неконтролирана ескалација“.
Портпаролот на Кремљ, Дмитриј Песков, изјави дека Москва ја анализира ситуацијата по одлуката на Вашингтон да започне напади врз Иран, и покрај, како што сметала Русија, охрабрувачките сигнали од преговорите меѓу САД и Иран со посредство на Оман.
„Можеме да изразиме длабоко разочарање бидејќи, и покрај извештаите за значителен напредок во тие преговори, ситуацијата сепак ескалираше во отворена агресија“, рече Песков.
Тој додаде дека Путин подоцна во текот на денот ќе има меѓународен телефонски разговор поврзан со Иран, без да открие со кого, и посочи дека Русија останува во дијалог и со земјите од Персискиот Залив погодени од конфликтот.
Фото: ЕПА

