Свет
Во немирите во Казахстан загинале 164 лица, меѓу нив и деца

Бројот на загинатите за време на немирите во Казахстан се искачи на 164, јави денеска телевизијата „Хабар 24“, повикувајќи се на податоци на Министерството за здравство.
Според Министерството, во Алмати од избувнувањето на немирите загинале 103 лица. Во регионот Кизилорда загинале 21 лице, 10 лица во областа Жамбил и осум лица во областа Алмати, пренесе руската агенција „Тасс“.
Телевизијата „Хабар 24“ повикувајќи се на податоците од здравствeните власти објави и дека од почетокот на немирите во Казахстан лекарска помош побарале над 2.200 лица.
Од Министерството прецизираат дека вкупниот број на повредени е 2.265. Најголем број се повредени за време на немирите во Алмати – 1.100 лица. Во моментот има 719 лица во болниците низ Казахстан. Од нив, 83 се во тешка состојба.
Меѓу загинатите има и тројца малолетници.
Народниот правобранител во Казахстан ја потврди смртта на двајца тинејџери на возраст од 11 и 15 години, како и смртта на четиригодишно девојче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Повеќе од половина од Украинците веруваат дека САД ги принудуваат на неправеден мир, според истражувањата

Повеќе од половина од Украинците, 52 проценти, веруваат дека САД вршат притисок врз нивната земја да се согласи на неправеден мир со Русија, според најновото истражување на Киевскиот меѓународен институт за социологија (KIIS), објавено од украинскиот „Gwara Media“.
Ова претставува значително зголемување во споредба со август, кога 38 проценти од граѓаните го делеа ова мислење.
Аналитичарите на Институтот наведуваат дека, и покрај фактот дека Украинците генерално сè уште го поддржуваат партнерството со Западот, овој пад на довербата може да влијае на јавното расположение во врска со понатамошниот тек на војната.
„Многу динамична“ перцепција за американската политика“
Тие објаснија дека зголемувањето на бројот на оние кои се сомневаат во американската поддршка е резултат на намалувањето на уделот на граѓани кои биле неодлучни за ова прашање во август.
Перцепцијата за американската политика во Украина оваа година, истакнуваат тие, е многу динамична. Во март, само 24 проценти од испитаниците ги сметале САД за сигурен сојузник, што е најниско ниво забележано од почетокот на руската инвазија. До почетокот на август, тој удел се искачил на 42 проценти.
Во исто време, 38 проценти од испитаниците ја гледаа американската политика критички, додека еден од пет, или 19 проценти, немаа формирано мислење.
Ставови кон Европа
Анкетата, исто така, покажа зголемување на бројот на оние кои веруваат дека европската поддршка слабее и ја принудува Украина да прави отстапки кон Русија – овој процент сега изнесува 38 проценти, додека во август беше 27 проценти. И покрај ова, мнозинството испитаници, 58 проценти, остануваат убедени дека Европа ја поддржува Украина и сака праведен крај на војната.
Фото: принтскрин
Свет
Франција прогласи високо ниво на тревога за птичји грип

Француските власти го зголемија нивото на тревога за птичји грип од средно на високо барајќи од живинарските фарми во целата земја да ја чуваат живината во затворен простор предупредувајќи дека Европа се соочува со сезонска епидемија на болеста.
„Уредбата со која се наредува зголемување на нивото на тревога од средно на високо е издадена по докази за инфекција кај дивите птици преселници во Европа, вклучително и Франција, и потврдени епидемии на неколку живинарски фарми“, соопшти француското Министерство за земјоделство, според „Ројтерс“.
Во соопштението на француското Министерство за земјоделство беше потврдено дека досега се откриени две епидемии на птичји грип на француските живинарски фарми и три кај домашните одгледувачи.
Првиот случај на птичји грип беше откриен кон средината на октомври на фарма за фазани и еребици на север од Франција.
Високо патогениот птичји грип е сезонска болест што ја шират птиците преселници, која често ги принудува одгледувачите од целиот свет да уништат десетици милиони птици за размножување.
Фото: принтскрин
Свет
Кина го тестира најбрзиот воз во светот

Најбрзиот воз во светот, CR450, почна серија тест-возења на брзата железница во Кина достигнувајќи брзина од 453 километри на час за време на едно возење.
Серијата возови CR450, дизајнирана за максимална тест-брзина од 450 километри на час и комерцијална брзина од 400 километри на час, моментно е во процес на квалификациски тестови на брзата линија што го поврзува источниот град Шангај со западниот град Ченгду, објави „Наука и технологија дејли“, објави „Синхуа“.
Брзиот воз достигнува забрзување од 350 километри на час за четири минути и 40 секунди.
Во споредба со претходниот модел CR400, моделот CR450 има подолг и поаеродинамичен нос, понизок покрив за 20 сантиметри и 50 тони помала тежина, што го намалува аеродинамичниот отпор за 22 процента.
Фото: принтскрин