Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот Бретања. Три департмани се под портокалова временска тревога, со ризик од повеќекратни временски настани, објавува телевизијата BFM.

Метео-Франс регистрираше ветрови до 136 километри на час во Уесан и Финистер, додека другите налети достигнаа 119 километри на час во Бел Ил ен Мер и 112 километри на час во регионот Грос во Морбијан.

Tempête Ingrid: en Bretagne, des rafales de vent enregistrées jusqu'à 136km/h pic.twitter.com/zmedRJQWBZ

— BFM (@BFMTV) January 23, 2026

Врнежите достигнаа 23,8 милиметри во Кемпер, а дополнителни 10 до 30 милиметри се очекуваат во текот на денот на веќе заситеното тло.

Најголемите бранови, високи до 10 метри, се регистрирани на брегот на Финистер и Морбижан. Три реки – Лаита, Блаве и Уст остануваат под портокалово метеоролошко предупредување, со континуирано зголемување на нивото на водата, особено во Морбижан.

Бурата „Ингрид“ следуваше една недела по бурата „Горети“, која веќе предизвика штети во регионот. Се очекува постепено намалување на ветровите и врнежите до крајот на денот, но ризикот од поплави и штети на крајбрежјето и инфраструктурата останува висок.

Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му е доста од збунети кловнови“.

„Зеленски ги „искористи“ американските и европските даночни обврзници за да ги наполни џебовите на своите корумпирани генерали и да се спротивстави на она што тој го нарекува нелегална агресија што ја крши Повелбата на ОН“, рече Аракчи во објава на социјалната мрежа Икс. Како што вели, Зеленски отворено и бесрамно повикува на нелегална агресија на САД против Иран, кршејќи ја истата Повелба на ОН.

„Светот е полн со збунети кловнови, господине Зеленски. За разлика од вашата армија поддржана од странство и нападната од платеници, ние Иранците знаеме како да се браниме и немаме потреба да бараме помош од странци“, рече Аракчи.

Во четвртокот, претседателот на Украина изјави на Светскиот економски форум во Давос дека протестите во Иран се удавија во крв и дека врховниот лидер на таа земја, ајатолахот Али Хамнеи, уби илјадници луѓе, пренесува Танјуг.

„Што ќе стане Иран по ова крвопролевање? Ако режимот преживее, тоа испраќа јасен сигнал до секој насилник – убијте доволно луѓе и ќе останете на власт. Кому во Европа му е потребно оваа порака да стане реалност? Сепак, Европа дури и не се обиде да изгради свој одговор“, рече Зеленски.

На забава одржана во вторникот во Вашингтон, на група републикански пратеници им беше послужена торта во облик на Гренланд, покриена со американско знаме.

Десертот, очигледна алузија на обидите на американскиот претседател Доналд Трамп да ја преземе арктичката територија, беше послужен во Центарот Кенеди на настан организиран од групата Републиканци за национална обнова.

HOLY SH*T Members of Congress cut a Greenland cake that has the America Flag on it. LET’S GO 🔥

pic.twitter.com/5UUCbBjGdr

— MAGA Voice (@MAGAVoice) January 21, 2026

На видеото од настанот, може да се слушне како водителот ги поканува гостите: „Дојдете овде, сликајте се и исечете ја тортата“. Тој ја опишува тортата како „51-ва федерална држава“.

Додека гостите се собираа околу тортата украсена со американско знаме, едно лице се пошегува: „Ова ќе биде меѓународен инцидент“.

Потоа, пратеничката Ана Паулина Луна од Флорида го пресече првото парче од тортата, покажуваат снимките. Републиканските претставници Абе Хамадех од Аризона и Енди Оглс од Тенеси исто така беа на настанот. Во еден момент од вечерта, Оглс доби награда за амандман што го предложи, со кој ќе му се овозможи на 79-годишниот Трамп да се кандидира за трет мандат.

Луна, која претходно ја поддржуваше воената операција на Трамп во Венецуела, подоцна објави фотографија од тортата на платформата X и го означи данскиот премиер, што предизвика низа реакции на социјалните мрежи.

Забавата, организирана за одбележување на првата годишнина од мандатот на Трамп, се одржа само неколку часа пред претседателот да го омекне својот став за Гренланд. Во вчерашниот говор во Давос, Трамп рече дека нема да го анектира островот со воена сила. Белата куќа претходно не ја исклучи употребата на сила.