На аеродромот во Минхен била запрена Ерменка (74) која во коферот носела човечки коски, објавија германските сојузни власти.

Службениците ги откриле остатоците во дрвена кутија и ги повикале царинската служба, лекар и државниот обвинител да го преземат необичниот случај.

Жената имала намера со својата 52-годишна ќерка да ги пренесе коските од Грција преку Минхен и Киев во Ерменија за да ги закопа таму.

Документите покажуваат дека човекот починал во 2008 година и бил закопан во местото на живеење во близина на Солун.

Федералната полиција утврдила дека носењето на тие коски не е нелегално и жената го продолжила патот.

Според најновите проценки на Светската здравствена организација, просечната смртност на заболените од Ковид-19 е 0,6 проценти.Ова го прави коронавирусот шест пати посмртоносен од сезонскиот грип. Според епидемиологот др. Марија Ван Керхоув, „можеби не звучи многу, но сепак е висока стапка на смртност затоа што убива еден од 167 заболени“.

Официјалните статистики покажуваат дека од почетокот на пандемијата починале 700.000 луѓе од 18,200 милиони, но според проценките тој број е многу поголем, односно околу 115 милиони и во тој случај стапката на смртност е 0,6 проценти.

За експертите е голем предизвик да ја проценат стапката на смртност од коронавирусот, бидејќи не се регистрирани сите смртни случаи од вирусот. Светската здравствена организација ја заснова својата пресметка на смртност од 0,6 проценти на проценката на 115 милиони заразени и 700.000 смртни случаи.

Во Украина во последните 24 часа се регистрирани рекордни 1.271 нов случај на коронавирус, објави Државниот совет за безбедност.

Бројот на новозаразени лица нагло се зголеми во последните два месеци по постепеното укинување на ограничувањата на крајот на мај, пренесува „Ројтерс“.

Од почетокот на пандемијата се заразени 75.490 луѓе, починале 1.788 луѓе, а закрепнале 41.527 лица.