Во последните 24 часа, потврдени се уште 83 случаи на инфекција со коронавирус меѓу 595 тестирани примероци во Србија, а едно лице починало како резултат на инфекцијата, соопшти Кризниот штаб.

Во болницата има 323 пациенти, од кои 23 се на апарати за дишење. Од почетокот на епидемијата на 6 март, тестирани се вкупно 1.069.626 примероци и регистрирани се 32.840 заразени.

Според официјалните податоци, 740 пациенти починале како резултат на инфекција со Ковид-19, а стапката на смртност е 2,25 проценти.

Поради епидемиолошката состојба во околните земји и зголемениот ризик од ширење на коронавирусот, од петок во 18 часот во Србија се на сила засилените мерки за надзор на повратниците од Црна Гора, БиХ, Хрватска и Албанија. Обврска е на сите повратници да се пријават на електронскиот систем или личен лекар, со цел да реагираат побрзо во случај на појава на симптоми и да се спречи понатамошно ширење на инфекцијата.

„Од почетокот на примената на таа мерка до саботата наутро, се пријавија околу 4.500 лица“, изјави членот на Кризниот штаб, Предраг Кон.

Во последните 24 часа биле регистрирани 114 нови случаи на коронавирус во Словенија, а биле тестирани 3.070 лица.

Повеќето од новозаразените се на возраст од 35 до 44 години, а вирусот е потврден и кај едно дете на возраст под четири години.

Едно лице почина, а 141 од почетокот на епидемијата, објави владата, пренесува СТА.

Стотици луѓе се собраа на плоштадот Свети Марко во Загреб, каде се одржува 19. Парада на гордоста. Учесниците на Парадата бaраат да се покрене процесот на промена на Уставот, така што сите семејства да бидат еднакви во сите права и обврски, како и истополовите семејства да бидат вклучени во дефиницијата за брак.

Меѓу учесниците има неколку политичари, вклучително и вицепремиерот од редовите на Независна демократска српска партија (СДСС), Борис Милошевиќ, пратеникот Домагој Хајдуковиќ, Катарина Пеовиќ од Работничкиот фронт и Сандра Бенчиќ од платформата Можеме, пренесува хрватски „Индекс“.

#zagrebpride #zagrebpride2020 pic.twitter.com/hLzNvp2ImK

— hajvan.🇭🇷 (@mbajkusa) September 19, 2020

Поворката, за прв пат, започна од плоштадот пред највисоките владини институции, седиштето на Владата, Собранието и Уставниот суд.Учесниците носат транспаренти, барајќи уставно загарантирана еднаквост на сите семејства.

„Љубовта не познава пол“, „Без поделба на розово и сино“, „Различни луѓе имаат еднакви права“, „Уставното ограничување од 2013 година е неприродно“- се дел од натписите што ги носат учесниците, заедно со традиционалните знамиња со бои на виножито.

Овогодинешниот слоган на Парадата на гордоста е „Слобода внатре и надвор од четирите sида“, а собирот, како што е најавено, ќе го обезбеди полицијата.

Организаторите рекоа дека поворката ќе се одржи со целосно почитување на епидемиолошките мерки и постојано ги предупредуваа насобраните да се држат на дистанца.