Свет
Во југозападна Кина откриена златна маска стара 3.000 години
На археолошки локалитет во кинеската провинција Сечуан археолозите пронашле остатоци од златна маска стара 3.000 години. Маската тежи околу 280 грама и се проценува дека е направена од 84 проценти злато, пишува Си-ен-ен.
„Оваа церемонијална маска е еден од над 500 предмети што ги ископаа археолозите од шест новооткриени ‘жртвени јами’“, соопшти Управата на национално наследство.
Артефактите се пронајдени во Санџингдуи, област што зафаќа 11,9 квадратни километри и се наоѓа недалеку од главниот град на провинцијата Сечуан, Ченгду.
Некои експерти веруваат дека новооткриените предмети би можеле да бидат извор на нови сознанија за древната држава Шу, кралство што владеело со западниот слив на Сечуан, сè додека не било освоено во 316 година п.н.е. Покрај златната маска, археолозите откриле и златни фолии, како и артефакти изработени од бронза, жад и слонова коска.

Неотворена дрвена кутија и бронзен сад во облик на був исто така биле откриени во шесте јами, од кои најголемата има 19 квадратни метри.
Повеќе од 50.000 древни артефакти се пронајдени во Санџингдуи, почнувајќи од 20-тите години на минатиот век. Тогаш еден локален земјоделец налетал на голем број скапоцености. Во 1986 година, таму беа пронајдени две големи јами со повеќе од 1.000 скапоцени артефакти, вклучувајќи и добро сочувани бронзени маски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

