Бројот на загинати во Трир, Германија, се искачи на пет лица, а сторителот бил под дејство на алкохол и неодамна се лекувал од ментална болест, изјавија германските власти откога автомобил влета на пешачка зона газејќи луѓе во германскиот град.

Меѓу починатите има и 9-месечно бебе.

Од истрагата било утврдено дека возачот свесно сакал да убие што е можно повеќе луѓе.

Тој е уапсен веднаш по извршеното дело и се наоѓа на распит, а се води истрага за пет убиства и предизвикување тешки телесни повреди.

„Нема индиции дека може да се работи за терористички напад или дело со религиозно или политичко потекло“, рече државниот правобранител.

Станува збор за 51-годишен германски државјанин со германско потекло, роден во Трир.

Според државниот правобранител Питер Фрицен, постојат индиции дека на возачот неодамна му била дијагностицирана ментална болест и бил во алкохолизирана состојба за време на злосторството.

„Кај возачот биле измерени 1,4 промил алкохол“, рече јавниот обвинител.

Автомобилот, управуван од сторителот, не бил во негова сопственост, но, како што објасни полицијата, му го ставило на располагање друго лице.

Според полицијата, мажот ги поминал последните неколку дена во автомобилот, а немал пријавено живеалиште.

Изборниот штаб на актуелниот претседател на САД, Доналд Трамп, денеска ги оспори резултатите од гласањето на претседателските избори во сојузната држава Висконсин и најави тужба пред Врховниот суд кога гувернерот на Висконсин, Тони Еверс, вчера ја потврди победата на Џо Бјаден во таа држава.

„Во денешната тужба вклучивме четири случаи со јасни докази за незаконитост, како што е нелегално коригирање на гласачките коверти на лицата што не се појавиле на гласачките места, присвојување нерегуларни ливчиња и одржување илегални избирачки собири наречени Демократија во парк’“, се наведува во соопштението од тимот на Трамп.

Висконсин е една од клучните држави во која сегашниот претседател Доналд Трамп ја оспори победата на Бајден и побара пребројување на гласовите.

Trump campaign to sue Wisconsin over mishandling of absentee votes, allegedly affecting 220K ballotshttps://t.co/mBzZGlq0Xp

— Fox News (@FoxNews) December 1, 2020

Нобеловите награди годинава на лауреатите ќе им бидат доделени во нивната татковина, на места одредени од шведските дипломати.

Ваквиот начин на одржување на настанот е во согласност со локалните рестриктивни мерки воведени поради пандемијата на Ковид-19.

Церемониите ќе се одржат на 7 и 8 декември, а ограничен ќе биде и бројот на гости.

„Церемониите ќе траат кратко, а медалите и дипломите ќе бидат поставени на маса, со употреба на ракавици“, се наведува во соопшението од Фондацијата.

Традиционалните предавања ќе бидат пренесувани на 8 декември на интернет-страницата на Нобеловата фондација, како и концертот од Концертната сала во Стокхолм, што ќе се одржи без публика.