Свет
Германија се затвора за велигденските празници
Германија ги продолжи рестриктивните мерки до 18 април и ги повикува граѓаните да останат дома пет дена за време на велигденските празници во обид земјата да го спречи третиот бран на пандемијата.
„Ние сме во нова пандемија поради ширењето на новите варијанти на коронавирусот. Имаме суштински нов вирус, се разбира од ист тип, но со сосема различни карактеристики, многу посмртоносен, многу позаразен“, рече канцеларката Ангела Меркел.
Според новата одлука, Германија ги продолжува ограничувањата за уште еден месец и воведува некои построги мерки за време на велигденските празници во обид да се запре ширењето на коронавирусот.
Повеќето продавници ќе бидат затворени, а верските служби ќе бидат откажани за велигденскиот викенд од 1 до 5 април.
Собирите, како и рестораните на отворено, ќе бидат забранети од 1 до 5 април, а само продавниците за храна можат да бидат повторно отворени на 3 април.
Покрај тоа, голем број ограничувања што се во сила од крајот на 2020 година, како што се забраната на приватни собири, затворањето на културните објекти и ноќните клубови, се продолжени до 18 април.
„Ситуацијата е сериозна, бројот на случаи експоненцијално расте и креветите на интензивна нега се полнат“, рече канцеларката на прес-конференција по 12-часовните разговори со гувернерите.
Таа рече дека станува збор за експоненцијален раст на епидемијата предизвикан од британскиот вид на вирусот.
Стапката на инфекција во Германија вчера надмина 107,3 случаи на 100.000 жители, со нови 7.700 случаи и 50 смртни случаи.
„Ние сме во трка што побрзо да се вакцинираме“, рече канцеларката. Додаде дека ситуацијата ќе биде подобра кога ќе се вакцинираат повеќе луѓе.
Во Германија, само околу девет проценти од населението се вакцинирани со првата доза на вакцината, а четири проценти ги примиле двете дози.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иранската револуционерна гарда: „Непријателот нема да биде безбеден никаде во светот, дури ниту во своите домови“
Иранската револуционерна гарда, паравоена формација на која се потпира исламската влада во Техеран, денес се закани, по повод американско-израелските напади врз Иран, дека ќе продолжи да се бори „додека непријателот не биде поразен“ и дека непријателите нема да бидат безбедни „никаде во светот, дури ни во своите домови“, објавува CNN.
Како што објави иранската државна телевизија, Иранската револуционерна гарда соопшти дека неодамнешната загуба на врховниот лидер ајатолахот Ал Хамнеи и други високи функционери „не го потресе (Иран), туку само го направи посилен“.
Високо вооружената и организирана гарда – која постои паралелно со иранската армија и вклучува доброволни одреди – вети во соопштение дека Иран ќе продолжи да се бори „додека непријателот не биде поразен“.
„Непријателот треба да знае дека неговите среќни денови се завршени и дека повеќе нема да бидат безбедни никаде во светот, дури ни во своите домови“, се додава во соопштението што го пренесе CNN.
Регион
Дачиќ симнат од респиратор
Министерот за внатрешни работи на Србија, Ивица Дачиќ денес е симнат од механичка вентилација, пренесува „Блиц“.
Медиумот пренесува дека министерот за здравство Златибор Лончар денес изјави дека здравствената состојба на министерот за внатрешни работи и претседател на Социјалистичката партија на Србија Ивица Дачиќ е подобра отколку што беше, додавајќи дека постојат причини за оптимизам, но и дека мерките за интензивно лекување и терапија продолжуваат.
„Неговата моментална состојба е подобра отколку што беше, што ни дава причина за оптимизам. Важно е што сè уште има многу работа да се направи, мерките за интензивно лекување и примената на интензивна терапија продолжуваат. Тоа е она што ќе го кажам во овој момент, а луѓето што го лекуваат ќе го објаснат подетално во текот на денот“, изјави Лончар за новинарите по посетата на здравствениот центар Вождовац.
Свет
Европската комисија го разгледа развојот на ситуацијата на Блискиот Исток: проценети можните ефекти од прелевањето на конфликтот
Европската комисија денес објави дека го разгледала развојот на ситуацијата на Блискиот Исток, како и дека ги проценува можните ефекти од прелевањето на конфликтот врз Европската Унија.
Комисијата во соопштението наведува дека ќе се фокусира на управување со какви било негативни последици што произлегуваат од развојот на настаните во регионот, објави Ројтерс.
ЕК истакна дека внимателно ги следи цените на енергијата и нивната испорака, како и дека ќе свика работна група за енергија во соработка со националните власти.
Во исто време, Комисијата го интензивира следењето на потенцијалните прекини во транспортот, особено во Ормутскиот теснец и Црвеното Море, се додава во соопштението.
САД и Израел го нападнаа Иран во саботата во, како што нарекоа, „превентивни напади“, кои дојдоа по неуспехот на неколку рунди преговори за нуклеарната програма на Иран.
Потоа Иран започна масовни напади како одмазда против Израел и цели поврзани со САД низ целиот регион на Блискиот Исток, објавува Танјуг.

